Обожавам мачки, а омилена пијачка ми е порнстар мартини во Љубов (порано Шортбас). Имам BA of Arts од Универзитетскиот Колеџ Амстердам од програмата Liberal Arts and Sciences, каде што студирав филм, филозофија и литература. Имам работено во невладиниот сектор и предавано социологија во средно и англиски јазик и книжевност во основно. Се имам бавено и со превод и графички дизајн. Уште не знам што сакам да бидам кога ќе пораснам, ама знам дека секогаш ќе пишувам. Верувам дека пишувањето треба да се негува како револуционерен чин, и дека е важна алатка преку која може да стигнеме до подобар свет, кој не само што е можен, туку е и неопходен.