Домот треба да местото каде се чувствуваме најбезбедно. За жал, тоа не е случајот за многу, а неретко се случува девојки и жени кои изнајмуваат станови или живеат во студентски домови да бидат жртви на насилство и вознемирување. Газди на имоти во нашата земја се несразмерно почесто мажи, додека студентските домови знаат да бидат места каде приватноста и границите не се почитуваат. Со нашето ново видео, сакаме да фрлиме светло на овој проблем и оваа категорија на девојки и жени во ранлива позиција, за кој ретко кога се зборува.

Камера: Жарко Чулиќ
Видеото е во соработка со Heinrich-Böll-Stiftung e.V.

Новата анализа на Коалиција Маргини има за цел да понуди релевантни податоци, анализи и знаења за хегемонистичките стратегии на врамување, застапеност и дискурзивна конструкција на сексуалните и родови малцинства во традиционалните и онлајн медиумите во Северна Македонија, да понуди трансформации и можен напредок на овие медиумски практики низ годините и да изготви препораки што се однесуваат на медиумите, регулаторните тела за медиуми, донесувачите на одлуки и активисти за човекови права заради подобрување и трансформација на хегемониските медиумски дискурси и репрезентации на ЛГБТИ заедницата.

Анализа е насочена кон откривање на начините на кои се конструираат и претставуваат (репрезентираат) определени општествени групи како лезбијките, геј-мажите, бисексуалците, трансродовите лица, жените и маргинализираните жени. Репрезентацијата се однесува на јазикот и сликите што се користат во текстуалните или во говорните манифестации со цел обликување на значењето на одредени општествени групи и создавање перцепција во „општата јавност“ за нив.

Нашето ново видео ги доближува клучните наоди на анализата изработена од Коалиција Маргини / Coalition Margins, која е достапна овде.

Пристапот до абортус и безбедна абортусна грижа е есенцијален бидејќи одлуката за тоа дали и кога да се роди дете е клучна за самоопределувањето на жената и нејзиното еднакво учество во општеството.

Здравствената криза на еден пластичен начин покажа колку се всушност чести прекршувањата на работнички права, особено во земји со послаба заштитна мрежа, како нашата. Сепак, и во држава како нашата, а и можеби особено во држава како нашата, соочени со нестабилноста на нашите работни места, несигурноста на инфраструктурата која ја плаќаме, а и феномените на прегорување и секојдневна експлоатација, се отвора можност да се бориме отаде ова секојдневие кое го знаеме. Бидејќи сега знаеме дека тоа освен што не е одржливо, не е ни вечно.

Продукција: Медуза
Камера: Жарко Чулиќ
Видеото е во соработка со Heinrich-Böll-Stiftung e.V..

Нашето видео за првиот лезбејски бакнеж има за цел одново да го актуелизира прашањето за тоа зошто е важно активно да се зборува и пишува за лезбејската желба, таа да се портретира во културните медиуми и воопшто, зошто е важно да се креира афирмативен наратив за квир жените.

Видеото Лезбејскиот бакнеж е револуција е во соработка со ЛезФем и Heinrich-Böll-Stiftung e.V..

Менструацијата е биолошки, но и социјален процес, кој мора да дестигматизира и демистифицира. Со колку повеќе и поточни информации за нашите тела располагаме, толку послободно живееме и имаме простор да се прифатиме и сакаме. Дури и кога крвариме.

Продукција: Медуза
Камера: Жарко Чулиќ
Музика: Принцес Донатсу и Телемама
Видеото е дел од проектот Breaking the silence, во соработка со Heinrich-Böll-Stiftung e.V.

Историски, полицијата не ги заштитувала жените од насилство и веројатно нема ни да почне да го прави тоа наскоро. Фактот што до пред 50тина години семејното насилство воопшто не се сметало за кривично дело (а родово базираното насилство надвор од партнерските односи сè уште не е дел од Кривичниот законик кај нас), само ја разбиструва сликата зошто еден полицаец при пријава на насилство од страна на жена, може да каже:
„треба да си припазиш како се облекуваш, каде излегуваш и со кого, и повеќе да си седиш дома и да ги гледаш децата. Не треба провокативно да се однесуваш да се шминкаш за да не предизвикуваш љубомора кај мажот…“

Видеото е во соработка со Платформата за родова еднаквост и Kvinna Till Kvinna
Камера: Жарко Чулиќ

Жртвата никогаш не е виновна, дури и кога молчи. Стигмата и срамот од насилството, двојната виктимизација, непостапувањето на институциите, сензационализмот на медиумите, стравот од насилникот и можната осуда, како и генералната дискрепанца во општествените односите на моќ, се само дел од многу причини зошто жените не пријавуваат насилство. Пријавувањето се поттикнува со емпатија, солидарност, разбирање и постапување по секој случај, без исклучок.

#ЗоштоНеПријавив​ #ШтоПравиМВР​ #НеСиСама​

Видеото е во соработка со Платформата за родова еднаквост и Kvinna till Kvinna
Камера: Žarko Čulić Zarko Culik Photography
Музика: Принцес Донатсу и Телемама

Вознемирувањето на работно место, иако законски регулирано, претставува секојдневие на многу жени. Мобингот често доаѓа во затскриени форми и ретко се препознава и пријавува.

Поставување на приватни прашања на интервју за работа, непродолжување на договор при бременост, заплашување и закани, сексуални предлози и уцени, се директни прекршувања на работничките права кои имаат родова димензија.

Нашето ново видео се бави токму со оваа тема.

Видеото е изработено во соработка со Kvinna till Kvinna

Приказните ги читаат: Јована, Фатмире, Меглена, Мона, Бежика, Зејџане, Сара, Ивона и Ивана
Камера: Жарко Чулиќ
Музика: Принцес Донатсу

Сексуалното насилство и вознемирување се толку распространети, што речиси и да не постои жена која не се соочила со нив во некоја форма, но продолжуваат да бидат обележани од чувства на срам и стигма, најчесто на товар на жртвата. Во една таква средина, важно е да излегуваме јавно со овие искуства, макар и анонимно ❤

Продукција на Медуза
во соработка со Kvinna till Kvinna
Приказните ги читаат: Драгана, Душица, Анабела, Благородна, Долорес, Сара, Стефани, Нора и Јована.
Музика: Принцес Донатсу и Телемама
Камера: Чулиќ Жарко