Sandra ti priča: Интервју со Сандра Силаџев

Сандра Силаџев е  глумица и стенд ап комичарка која со портретирање на реалноста успева на сатиричен начин да ни ги долови социјалните и родови проблеми во нашето општество.

Napomena: Klipovi nisu za maloletne osobe i puritance
Napomena: Klipovi nisu za maloletne osobe i puritance

Сандра живее и работи во Србија, но нејзините видеа зборуваат за наративите на целиот Балкан. Нашето секојдневние е еден нејзин голем клип. Нејзините клипови ги открив така што сестра ми реши дека треба како семејство, заедно со мајка ми да седнеме и да изгледаме сè што има од неа на интернетот. Perfect quality time. Начинот на која таа си поигрува со она што ни пречи во секојдневието, за момент успева да те ослободи од идејата дека работите околку тебе се бесмислиени. Умешноста во минута ипол, тргнувајќи по површината за да продре во суштината на одреден проблем, ја прави нејзината искреност бесценета. Сандра штотуку објави илустирана книга Феминизам за почетници. Во нејзините постови, сè повеќе е јасно дека е личност со став и дека многу често луѓе (окриени позади своите профили) имаат проблем со тоа. Меѓутоа, тоа за неа е само дополнителна мотивација повеќе да зборува и креира наратив во кој сме ослободени од  традиционалните  норми и дефинирања. Ја имав можноста да ми биде соговорник, а можеби и ќе и ги пратам видеата што ме инспирирала да ги направам 😀 Интервјуто го водеше Сара Миленковска.

 

Како започна сето ова?

 

Сè започна спонтано, од секогаш си поигрував со камери и фотоапарати, па во еден момент решив да започнам да ги поставувам истите на YouTube и vines.

 

Минатата година беше интересна за вашата актерска кариера. Можеш ли да ги запознаеме читателите на медуза повеќе со вашата актерска работа?

 

Да, глумев во серијалот ‘’Вистини и лаги’’ и филмот Taksi Bluz. Ми беа дадени интересни и предизвикувачки улоги што тешко можев да ги одбијам.

 

Дали вашата професионална кариера влијае врз вашата личност на социјалните мрежи?

 

Не влијае. Тоа сум јас севкупно и сè заедно. Мојот повик е глума, а со тоа оди и активизам.

 

Секогаш кога гледам некое од твоите видеа, се прашувам како е можно истото да ми се има случено и на мене. Некогаш самата апсурдност на работите нè тера да мислиме дека одредени работи не им се случуваат на останатите жени. Па се прашувам колку си играш со имагинацијата, дали твоите видеа се само интерпретација на реалноста и дали сè доаѓа од реалноста, само пренагласено со доза на сатира?

 

Сè е реалност. Понекогаш мојата, понекогаш реалноста на пријателите, познаниците, колегите итн. Овие нешта им се случуваат на сите нас, и затоа е важно отворено да зборуваме за нив.

 

Една од моите фасцинации која совршено ја потентираш, а е една чувствителна тема, т.е меѓуодносот на жените и третманот меѓу жените кој некогаш е полн со завист и непријателство. Јас секогаш мислам дека сме воспитани и програмирани да се мразиме, а ти го критикуваш токму тоа. Како го улови овој елемент?

 

Работев во исклучително мизогинистички колектив. Иако имам работено во многу компании и сменив работни места, оваа компанија во којашто се наоѓам последните неколку години беше шок за мене. Никогаш немав видено толку многу мизогинија, токму меѓу жените. Страшно примитивно опкружување каде жените се поткопуваа, се отсекуваа, дозволуваа мобинг, учествуваа во озборувања итн. Виновник за тоа беше лошата структура и системот на работа и вработените.

 

Општествената улогата на жената до ден-денес зависи од тоа што заедницата очекува од неа. Кое се твоите лични искуства по ова прашање, имаше ли пресврт во животот кога нешто се промени и дали тоа ти создаде простор за да почнеш да ги создадете сите овие генијални ликови?

 

Жените не треба да ја менуваат женската природа, туку општеството и работните услови. Жените не треба да се натпреваруваат со мажи или жени затоа што работата не е ринг, љубовта не е ринг, а и животот не е арена за натпревар. Жените сакаат да сакаат, да работат и да живеат, да не се споредуваат, да не се натпреваруваат, да се борат една со друга, ниту пак да кукаат и да се докажуваат. Жените не претставуваат само тело, ниту флертување или репродукција. Жените ниту се копчиња или тестери. Жените не се тука за нивниот труд и постоење се проценува преку хормоналенот и брачен статус, емоционална стабилност и репродуктивна моќ, ниту пак тоа за нив треа да биде единица мерка за морал. Жените не се нечиј имот што само треба да трпи да  и да извршува  домашни работи без да бидат платени. Жените не постојат за да бидат експлоатирани во бизнисот, како што се случува. Приказната за слободата на жената е приказна за правата на жените, а станува збор за ослободување од секаква споредба со машки пол, станува збор за слобода за жената да има право да биде она што е и да има право на избор (во работата, животот, однесувањето, облеката , љубовта и сексот). Приказната за правата на жените ги засега сите жени. Ги засега жените со посебни потреби и жените со оштетен вид, ги засега транс-жените, сиромашните, богатите и жените од сите националности. Приказната за правата на жените се однесува токму на тоа жената да не се гледа низ призмата на патријархатот. Жените се човечки суштества и имаат мозок, способности и таленти. Зошто да не ги искористиме во полн капацитет и да ги заработиме своите пари, нашите куќи и лична слобода? Жените имаат право доколку сакаат да изберат патријархат, но исто така имаат право да живеат надвор од наметнатата рамка и правилата на патријархатот и да не страдаат од осуда од мажите и другите жени.

 

Презирам воопшто да си дозволам да прашам некого за нејзината улога како мајка, но се прашувам дали има нешто што се обидуваш да правиш поинаку? Твојата освестеност не е дел од нашата култура и се радуваме кога некој ги критикува слабите точки на општеството.

 

Јас не правам ништо поразлично, правам сè што сметам дека е во склад со себе.

 

Имаш цела фан-база во Македонија, кога планираш да дојдеш?

 

Ќе дојдам кога некој од Македонија ќе ме покани. Ја сакам Македонија, јас сум родена овде, а мајка ми е македонка.

 

Дали cyberbullying е дел од твоето секојдневиие? Како се справуваш со тоа?

 

Секој што работи на Интернет поминува низ тоа и треба да изградиш сиситем. Имате опции да не одобрувате коментари, да ангажирате тим на луѓе за да ги водат вашите мрежи итн. Исто така си постои посебен  оддел за високо-технолошки криминал, затоа одите на суд доколку некој е психопат. Сè што треба е да го пријавите.

 

Кој е најдобриот пристап, лично, за решавање на системската дискриминација?  Како да се бориме против мизогинијата по наши услови?

 

Избегнувајте мизогинистички луѓе, пријавете мобинг, насилство, борете се, бранете други лица, не правете компромиси. Променете ги работните места, барајте си ја платата на време и побарајте плата што е во согласност со вашата работа и способности.

 

https://www.youtube.com/user/MsSasyla

https://www.instagram.com/sandra.siladjev/

https://www.facebook.com/siladjevsandra/

НАПИШАНО ОД:

Сара Миленковска

Nov 21, 2019

Коментари
Scroll to Top