Почина Сачин Литлфедер, домородна американска актерка и активистка, која влезе во историјата на Оскарите во 1973 година, кога се појави во име на актерот Марлон Брандо за да ја одбие наградата што тој ја доби за најдобар актер во филмот „Кум“, потресувајќи ја Академијата и околу 85 милиони телевизиски гледачи со нејзиниот емотивен говор во кој го осудува лошиот третман на домородните Американци од страна на Холивуд. Нејзиниот говор се смета за првата политичка изјава на оваа церемонија.

Овој август, Академијата формално ѝ се извини на Литлфедер за малтретирањето што го доживеа за време на нејзиниот говор и во годините што следеа. Опишувајќи го извинувањето како „отстварен сон“, Литлфедер изјави: „Ние Индијанците сме многу трпеливи луѓе – поминаа само 50 години! Треба да ја задржиме нашата смисла за хумор во секое време. Тоа е нашиот метод за преживување“, додаде таа.

Речиси пет децении подоцна, говорот на Литлфедер останува да биде еден од најнезаборавните настапи на церемонијата на сите времиња. За жал, Холивуд не се промени особено во однос на застапеноста и претставувањето на домородните заедници.