Борбата за права на текстилните работнички е борба за македонската жена
Разбирањето и емпатијата се основните двигатели на секоја промена.

Пред неколку дена беа објавени барањата и изјавите на сопствениците на текстилните фабрики здружени во Текстилниот кластер. Според нив, осумчасовното работно време претставува проблем и пречка во функционирањето текстилните фабрики, па оттаму, сопствениците бараат подолго работно време и укинување на празниците или платените неработни денови.

Со цел да се увиди баналноста и суровоста со која се поставуваат овие барањa потребно е да се овозможи видливост на самите текстилни работнички и да се слушне нивната страна на приказната, условите во кои тие работат и реалната (без)вредност на месечната минимална плата која тие ја земаaт. Бројот на документирани случаи во кои правата на текстилните работнички се прекршени е значително голем. Прекршувањата се однесуваат на неисплатени плати, неисплатени додатоци на плати, неплатена прекувремена работа, прекувремена работа над законски дозволениот максимум, повреда на правото на користење годишен и неделен одмор, незаконски прекин на работниот однос, мобинг, работа во несоодветни здравствени, санитарни и безбедносни услови.

Вака поставени, фактите презентираат многу пореална слика за македонската текстилна индустрија. Сепак, неретко бројките знаат да го дехуманизираат проблемот. Поради тоа, документарниот филм „Шивачки“ на македонска режисерка Билјана Гарванлиева, кој ја освои наградата „Срце на Сараево“ на филмскиот фестивал во Сараево 2010 година, е од огромно значење за наративот на македонските текстилни работнички.

Документарниот филм „Шивачки“ претставува филмско сведоштво за животите и секојдневието на неколку жени во Штип. Уникатната перспектива која Билјана Гарванлиева успешно да ја презентира е слоевита и раскажува приказна која е дел од работничката историја на македонската жена. Таа, македонската текстилна работничка, претставува една од маргинализираните групи во нашето општество. Постојаното прекршување на нејзините работнички права и родово наметнатите улоги, нејзината позиција во семејството, ја ставаат во ситуација на безизлезност во која нема простор за индивидуални изрази. Револуционерноста на документарецот е во борбеноста на овие жените-хероини на македонската транзиција. Следејќи неколку индивидуални приказни камерата успева да фати луѓе кои се директен производ на социјалните промени низ кои Македонија поминува во периодот на транзиција, меѓу тие луѓе највпечатливи се жените од кои извира надеж и херојство кое неретко останува невидливо.

 

The Seamstresses – short version from biljana garvanlieva on Vimeo.

Документарецот успева да влезе и во интимата на еден друг свет кој егзистира паралелно на оној на македонската работничка. Кадрите ефективно ги испреплетуваат раскажувањата на неколку текстилни работнички, но и на сопственикот на текстилната фабрика. Низ овие снимки филмот добива една траги-комична димензија која произлегува од игнорантноста со која сопственикот ја објаснува транзицијата, промената на социјалниот систем и капитализмот. Постоењето на овие различни луѓе и нивното коегзистирање создава дисхармонија во нашето општество.

Иако филмот е снимен пред речиси десет години, истражувањата покажуваат дека подобрувањата по однос на овој проблем се минимални. Од таа причина верувам дека документарецот на Билјана Гарванлиева, како еден од ретките обиди во македонската кинематографија да го адресира овој проблем, е задолжителен наратив на кој треба да се потпреме кога зборуваме за правата на текстилните работнички во Македонија. Разбирањето и емпатијата се основните двигатели на секоја промена. Борбата за права на текстилните работнички е борба за македонската жена, која ретко имаме можност да ја видиме и слушнеме во традиционалните медиуми.

Наша одговорност е да дадеме поддршка на барањата на работниците/чките. Оваа недела, 10ти ноември, 12 часот во кругот на Астибо во Штип ќе се одржи протест со следните официјални барања на работниците и работничките:

  • За подобри услови за работа!
  • Стоп за мобингот!
  • За 40 часовно работно време!
  • За забрана за работа во недела и празник!
  • За достоинствени плати!
  • За достоинствен живот на работникот!
  • За покачување на минималната плата!

 

НАПИШАНО ОД:
  • Марија Бошковска
За „природата“ на еден политички спор: хетеронормативност, трансродовост и загрозување на правата на жените (Втор дел)
Постојат цел океан на прашања поврзани со родовата трансформација и огромните глобални социјални промени во кои учествуваме и сме сведоци. Каде води сето ова?
Случајот против современиот феминизам
Од една страна, феминизмот никогаш не бил пошироко прокламиран или попрофитабилен од сега. Од друга страна, последниве десет години, широката распространетост и прифатливост на феминизмот кулминираа со изборот на Доналд Трамп за претседател.
  • Од Гала Насева
8 март – Леб и мир
На Меѓународната социјалистичка женска конференција во 1910 година во Копенхаген, бројни активистки за женски права, помеѓу кои и Клара Цеткин, предложиле да се одбележува меѓународен ден на жената за да се охрабри движењето за женски права и да се изгради поддршка за борбата за универзално право на глас за жените.
  • Од Вилдан Дрпљанин
Да се биде новинарка во Македонија
И покрај многубројните вербални и физички напади врз новинарките, повеќето резултираат со осуда од страна на здруженијата кои ги штитат новинарите и од јавноста, но неретко институциите остануваат неми и не излегуваат со јавен став против нападите.
Солидарноста е клучна за професионалниот развој: Интервју со тимот на Стела – првата женска менторска мрежа во Македонија
Женската менторска мрежа на Стела не е само група жени кои се таму за да обезбедат професионална поддршка за образование и кариера, туку и мрежа за поддршка за надминување на секојдневните општествени и приватни пречки и притисоци со кои се соочуваат жените во Македонија.
Керол Ен Дафи е годинешна добитничка на „Златниот венец“ на Струшки вечери на поезијата
Поезијата на Дафи е луцидна, остроумна, автентична (и настрана од помодните текови), проткаена со родово сензибилна црта, духовита деконструкција на родовите обрасци и разобличување на родовата асиметрија на моќта.
Бев сексуално нападната и зошто не се плашев да зборувам за тоа
„Молчи, не кажувај“, „Машките ќе си бидат машки“, „Срамота е, не се глупирај!“ и ред други изговори се едни од најчестите причини, покрај стравот, зошто жртвите на сексуално насилство не пријавуваат и не преземаат ништо.
  • Од Дамјана Видическа
Запознај ја Мави Феникс
Се обидувам да им дозволам на моите феминистички ставови да светат низ секоја песна, секое интервју и воопшто секоја мала работа што ја правам. Време е за сите да застанат против сексизмот кој е насекаде околу нас.
Што претставува фемицидот?
Деновиве многу девојки и жени споделуваат црно-бели фотографии од себе под хаштагот #challengeaccepted  како знак на меѓусебно поддршка. Меѓутоа, изворот на овој „тренд“ всушност се наоѓа во Турција.
  • Од Теодора Соколовска
Република на пријателството – Блискоста на маргините
Опишувајќи го пријателството на неприфатените, но и тоа како на маргините на социјалните норми се појавуваат мали, приватни републики на неприлагодените, писателката ја исполнува мисијата својот глас да им го позајми на луѓето во тишината.
Семејството на прво место: Подемот на антиродовото движење во Северна Македонија
Говорот на омраза насочен кон ЛГБТ заедницата во Северна Македонија е во пораст, но жртвите ретко го пријавуваат. Во меѓувреме, „антиродовото“ движење, остварува придобивки.
Кога домот не е безбеден
Голготата на жртвите на родово-базирано насилство кои одлучуваат да го напуштат домот и да останат без покрив над глава со цел да се спасат од насилникот.
  • Од Марта Стевковска
Невидливиот хорор на семејното насилство во филмот Невидливиот човек
Додека хоророт како жанр доживува обнова, ова е солиден обид да се постави нова динамика помеѓу овој жанр и женскиот лик, после долга историја исполнета со еднодимензионални ликови и експлоатација на женските искуства.
  • Од Елена Петрова
Примените на еротското: еротското како моќ, Одри Лорд
За да се одржи себеси, секоја опресија мора да ги корумпира или изобличи оние различни извори на моќ во културата на угнетуваните кои можат да создадат енергија за некаква промена. За жените, тоа значело да се потисне еротското како можен извор на моќ и знаење од нашите животи.
Жртвите на сексуално насилство треба да знаат дека не се сами и дека постојат безбедни места за нив – промоција на центрите за упатување жртви на сексуално насилство
Сексуалното насилство и неговите облици се едни од најмалку пријавуваните случаи на насилство, особено кога станува збор за силување во брак или од страна на интимен партнер.
Карол Раѓишевски: Квир архивите ги менуваат колективните наративи
Со изложбата „Сеќавајќи се на иднините“, на полскиот уметник Карол Раѓишевски, вечерва ќе се отвори единаесетото издание на Скопскиот викенд на гордоста – Скопје.
Митот за (не)дисциплираните девојки
„Таа беше најдисциплинираната, најпочитуваната, најсредената - совршена девојка, толку совршена што може да те извади од кожа. Накаде се стремеше таа? Ја следев. Таа можеше да ги среди дури и полиците на празнината“.

Момент...

No more pages to load

1 2 … 16