Prince$$ Donatsu ги освои срцата на сите медузи со нејзиот хит Битола. Уште од февруари чекам да и правам интервју, а има ли подобар повод за тоа од нејзиниот вечерашен настап на Прво па женско. За приказната зад Битола, нејзините чупиња, трапот и феминзмот, Prince$$ Donatsu за Медуза.
Здраво Кика! Да започнам со тоа што ќе ти кажам дека Битола со месеци ни е апсолутен хит на Медуза. Кој е мотивот зад текстот на Битола? Локал патриотизам, heart-break, женско пријателство или нешто четврто?
“Живот пишује романе” – ќе рече мудриот српски народ. Пред година дена, имав симпатија и се договоривме да не си пишиме поќе. Останаја работи за зборање – немаше на кој, освен на чупињата. Значи првото никако, точниот одговор е под 2 и 3.
Ивана Драгшиќ во својот краток осврт за Битола вели: две минути аудио и видео материјал со кои голем дел од човештвото не би се согласиле, а особено македонскиот. Песната и видео спотот дефинитивно беа тема на муабет на социјалните мрежи. Освен што си инпринта некој hateful коментар од твитер на маичка, како се носиш со негативните коментари поврзани со Битола?
Очекувани беа, се работи за пристојни прибрани деца со совршени животи. Никој не им раскинал, не добиле отказ, недајбоже бенд да му се растурил. #ifuknowwhatimean Многу е тешко да се одржи тој баланс и ги разбирам, особено пошо е многу досадно. Мило ми е шо ја имам честа да ги забавувам критичарите на 2 минути, па ми враќаат коментар, па јас се забавувам и така заедно ствараме еден таканаречен динамички процес.
пс. Маја ми ја испринта маичката, фала Маја те сакам
Откривме дека Битола не е првиот македонски one-take музички спот, но не откривме зошто има две пиени сокчиња у спотот, а се жалиш дека дечкото не дошол?
Има 2 кадри, 1 рез, 2 сокчиња за мене и 0 juiceboxes for fuckbois.
Она што Битола ни го посочи е дека очигледно во Македонија се уште е контоверзно за една жена да зборува за секс и да носи долен веш. Дали мислиш дека жените во јавноста се изложени на поголема јавна осуда?
Се додека друштвото е ок, дечкото е тука, нема промени во професионалната средина и никој не те следи до дома – јавноста можи да почека, пошо не е приоритет. Luckily my bank account doesn’t have a gender, ама ете уште има луѓе шо одат да договорат хонорар со “мојот маж” наместо со мене лично. Тhats when i get all feminist. Да бевме во некоја друга држава можи и размена со камили да напраеја со татко ми.
Ти си активен дел од трап сцената во Македонија и си единствена девојка која креира музика во тоа друштво (барем од тоа што знаеме). Дали мислиш дека твоето присуство на сцената ќе мотивира повеќе девојки да креираат музика?
Секогаш сум сакала да имам екипа од чупиња и да бидиме заедно како XXL шо беа на времето. Сега пополека почнува да ми се остварва желбата. Претходната недела снимавме со Изабела Пан и можам да кажам дека е прејака.
Со оглед на тоа што прв пат ни гостуваш на Прво па женско, би било фино да те прашам што претставува феминизмот за тебе?
As simple as да ги остајш чупињата да прат то шо сакат пошо да не му се мешаш на жените во манџата можи да звучи несоодветно за некој од читателите на овој портал.
Добивме информација дека на настапот на Прво па женско ќе слушнеме две нови песни од тебе. Без да ни откриваш премногу, кажи ни што да очекуваме од твојот настап?
Нека остани мало изненадување како шо би рекле колешките од естрадата.
Албум наскоро?
Немам слушнато цел албум во последните 5 години, а камоли да го напрам. Имам една нова песна шо ме мачи и сакам да снимам со други чупиња.
Карти за настанот на следниот линк.
НАПИШАНО ОД:
Калиа Димитрова
May 10, 2019
