Марш за женски права: Ти не си виновна!
Вчера, со почит кон досегашните победи на жената за родовата еднаквост, но свесни за општествените појави и системски недостатоци кои го загрозуваат нашето постоење како слободни, еднакви, достоинствени и безбедни, марширавме под слоганот „Ти не си виновна!“.

Ти не си виновна! Ние не сме виновни! Не сме криви кога нè злоупотребуваат, нè навредуваат и нè исклучуваат. Одбиваме да прифатиме дека треба да ги криеме, контролираме и дисциплинираме нашите тела, нашата сексуалност и нашите идентитети. Денес гласно извикнуваме – Виновни се оние кои нè мразат и презираат, виновни се насилниците за секоја наша рана и солза, виновна е државата која одбива да нè заштити, виновни се сите на кои нашата болка и тага им е смешна и ги забавува.

Ние не сме безбедни! Ни на улиците, ни дома, па дури ни онлајн. Неодамна цела јавност беше шокирана од Телеграм групата – Јавна соба во која 13.000 членови споделувале, гледале и се исмевале со материјали, фотографии и видеа со сексуална содржина за конкретни жени и девојки без нивна согласност. Можете да кажете што сакате, но зборувајте со жени кои биле злоупотребени на овој начин и ќе сфатите дека станува збор за исклучително радикална форма на родово засновано насилство чиј последици се далекусежни и сериозни по здравјето, особено менталното здравје и благосостојбата на жртвите.

Ние не сме виновни. Не сме виновни што имаме сексуалност, не сме виновни што уживаме во сопствените тела, не сме виновни кога споделуваме интимни моменти со нашите партнери. Не сме виновни што се фотографираме, не сме виновни што комуницираме, што веруваме. Не сме есенција како нежен пролетен ветар туку субјекти и тела кои имаат желби, копнежи и потреби. Виновни се оние кои не‘ повредуваат, виновни се оние кои споделуваат приватни фотографии и видеа, виновни се оние кои малтретираат, силуваат, понижуваат, исмејуваат и злоупотребуваат.

Брзо решение нема, но родовата еднаквост како вредност мора да е императив во воспитувањето и образованието. Уште поважно, има мерки кои Владата мора да ги преземе во сите случаи на родово-базарано насилство, особено како потпистничка на Истанбулската конвенција за спречување и борбата против насилство врз жените и семејното насилство.

Бараме- правда за сите жени жртви на насилство, вклучително жените чии имиња, видеа и фотографии беа злоупотребени во случајот Јавна соба.

Бараме- воведување на сеопфатно, сексуално образование во Македонија и тоа веднаш.

Бараме- адекватна, навремена и ефикасна превенција, заштита и поддршка на жртвите на родово базирано насилство од сите институции кои се дел од системот за заштита и строго санкционирање на секое непостапување.

Бараме- институции кои се секогаш на страната на жртвите, наместо институции кои вршат двојна виктимизација!

Бараме- да именувате со вистинско име, оние кои се злоупотребени како жртви, оние кои злоупотребуваат како насилници!

Токму затоа, овогодинешниот Марш за женски права, гласно и недвосмислено го посветуваме на жртвите на било каков вид на родово базирано насилство со пораката „Ти не си виновна“!

 

Во прилог галерија од Маршот за женски права: Ти не си виновна од Ванчо Џамбаски.

 

 

 

 

 

 

 

 

 

 

 

 

 

 

 

 

 

 

НАПИШАНО ОД:
Цели генерации девојки пораснаа заедно со ППЖ: Интервју со Тиииит!Инк
Бидејќи ниеден феминистички настан не може да помине без да биде прославен на Медуза, со четирите Тиииитовки разменивме впечатоци од овогодинешната програма, се потсетивме на другите фестивалски изданија и воздивнавме пред убавината на женското другарство.
Да се биде новинарка во Македонија
И покрај многубројните вербални и физички напади врз новинарките, повеќето резултираат со осуда од страна на здруженијата кои ги штитат новинарите и од јавноста, но неретко институциите остануваат неми и не излегуваат со јавен став против нападите.
Правда за градите
Не можам да тврдам, но верувам дека речиси секоја жена почувствувала некој вид непријатност поврзана со своите гради. Непосакувани погледи и коментари од средината, изнудени допири уште од основно школо што никогаш не биле санкционирани или ред несигурности поврзани со нивната големина, форма и облик, приказни постојат колку и гради на светот.
Подмолното прваче
Подмолното прваче наводно сака да научи за феминизмот, родовата нееднаквост и патријахатот, но сите информации сака да му бидат уредно сервирани и со питок јазик
Бев сексуално нападната и зошто не се плашев да зборувам за тоа
„Молчи, не кажувај“, „Машките ќе си бидат машки“, „Срамота е, не се глупирај!“ и ред други изговори се едни од најчестите причини, покрај стравот, зошто жртвите на сексуално насилство не пријавуваат и не преземаат ништо.
Со ПичПрич ги нормализираме женските искуства: Интервју со Ана Василева и Румена Бужаровска
Оние жени што ќе се охрабрат да зборуваат за нешто субверзивно и проблематично на сцена со самото нивно појавување веќе прават општествено поместување.
Забраните за абортус ги одземаат човековите права. Еве зошто мораме солидардно да застанеме против нив
Владите мора да го прошират пристапот до безбеден, легален и достапен абортус и контрацепција за сите луѓе. Не само што тоа е хуманиот начин, туку е и државна обврска според меѓународното право.
Нашите животи се важни!
Нашата различност ни овозможи да развиеме мрежи на поддршка и безбедни простори во кои дел од нас можат да живеат слободно и достоинствено. Нашата маргинализација ни овозможи да се солидаризираме со сите обезправени заедници, а преку нашата борба да се залагаме за еманципација на целото општество.
Нашите приказни се важни!
Денес, 17 Мај, Меѓународниот ден за борба против хомофобија, бифобија, интерсексфобија и трансфобија, го прославуваме со кампања под глобалното мото: „Да ја прекинеме тишината!“.
Гледаме порно: Отворено и искрено за женската сексуалност
Порно преференците не треба да се дочекуваат со осуда и стигма, туку за нив треба активно да дискутираме, да се преиспитуваме, да разменуваме информации, совети и, секако, порно страни кои го претстaвуваат и застапуваат она во што веруваме и сакаме да го гледаме, бидејќи очигледно, многу од нас гледаат порно.
Студентките не се виновни
Сите студент(к)и се повлијаени и оштетени од општата култура на примитивни односи на моќ, атмосферата на страв и неизвесност, сексизам, шовинизам и сите типови сексуално вознемирување.
Mитот за убавите заспани девојки
Нараторката донесува одлука да преспие една година од својот живот со помош на седативи и антидепресиви. Таа го замислува овој проект како една хибернација, одмор од секојдневните анксиозности и случувања.
Кога жена ќе се осмели да возврати на машката суровост
Наелектризираниот говор го отелотвори гласот на искуствата, фрустрациите и гневот на милиони жени и мажи чии денови, животи и реалности биле обликувани од честопати навредливи, понекогаш вулгарни изрази на патријархална моќ.

Момент...

No more pages to load

1 2 … 10