Skopje Pride Weekend во партнерство со МЕДУЗА објавуваат повик за учество на еднодневен семинар со проф. Јасмина Тумбас: Наследството на отпорот на Југословенката: ископување на политичкото тело на феминистичкото и квир омоќување
Абстракт за семинарот:
На 18 април 2022 година, како одговор на прашањето за нејзиното расно потекло Карди Б твитна дека е „Ирка и Југословенка“. Иако тоа беше наводна сардонска или иронична шега на Карди Б, уморна од притисокот да го објаснува нејзиното потекло, приказната циркулираше во весниците и нивните наслови во Регионот со – „Јас сум Југословенка“ и Карди Б. Оваа појава на „Југословенка“ во американскиот контекст нуди фасцинантни загатки во нашиот современ момент: Што учиме кога гледаме една ваква икона на американската култура како ја презема идејата за Југословенка на овој потсмевлив начин? Што кажува ова за монолитните наративи за Југословенките на Запад? Ова е местото каде што семинарот ќе помине извесно време размислувајќи за сложената историја на феминистичкиот и квир отпорот во Југославија, и наследството на Југословенката околу прашањата за еманципаторската убавина, насилството, сексуалното ослободување и расните разлики. Како да ги усогласиме контрадикторните пристапи кон ослободувањето и еманципацијата во уметничките делата кои се фокусирани на и го користат телото како медиум? Како да му пристапиме на отпорот во уметноста и културата од повеќе и конфликтни агли? Овој семинар ќе му пристапи на перформансот во рамки на широкиот спектар на уметноста и популарна култура во поранешна Југославија, и ќе разговара за современата уметност и културна работа од Регионот кои телото го ставаат во центарот на своите истражувања и дела.
Семинарот ќе се одржи во рамки на Викендот на гордоста Скопје 2022, чијашто тема е „ЕКСТАТИЧНИ ТЕЛА“, на 08 јуни, и ќе трае 3 часа. Учесниците ќе треба да прочитаат и заеднички да дискутираат и анализираат текст и видео материјали кои ќе им бидат доставени од професорката Тумбас.
Постапка за пријавување:
Заинтересираните лица треба да достават кратко мотивационо писмо за учество на Семинарот (максимум 2 параграфа) на е-пошта: koalicijaszpmz@gmail.com, најдоцна до 02.06.2022.
За резултатите од изборот апликантите ќе бидат информирани најдоцна до 03.06.2021.
Предност во селекцијата на учесниците во семинарот ќе имаат апликанти кои се уметници, или пак студенти на или со завршени студии во областа на хуманистичките и општествени науки. Бројот на учесници е ограничен на максимум 12 лица.
Семинарот и Викендот на гордоста Скопје се поддржани од Министерството за култура на Северна Македонија, Фондацијата Хајнрик Бел, ФООМ, Амбасадата на САД, Амбасадата на Франција, Фондацијата Фридрих Еберт, и Сигрид Раузинг Фондацијата, а имплементирани од страна на Коалиција Маргини и ЛГБТИ Центарот за поддршка, во партнерство со Локомотива, Музејот на современа уметност, ТИИИИТ! Инк., и КСП Центар П Јадро.
Јасмина Тумбас (д-р по историја на уметност, Универзитет Дјук) е проф. доцент по Современа историја на уметност и перформансни студии и директор на Постдипломските студии при Катедрата за глобални родови и студии за сексуалноста на Универзитетот во Бафало. Нејзината прва книга „Јас сум Југословенка!: феминистичка перформансна политика за време и по југословенскиот социјализам“ неодамна беше издадена во рамките на едицијата „Преобмислување на историите на уметност“ на Манчестер јуниверзити прес (февруари 2022). Тумбас, исто така, работи на нејзиното второ дело, „Феминистите од југословенската дијаспора: уметност и отпор отаде државјанството и националноста“. Се јавува и како гостин-уредник на специјалното издание на „Газета артликс бр. 5: Патријархатот завршен и исклучен: манифестен дискурс“, додека резултатите од нејзините истражувања се објавуваат во „Артмаргини“, „Камера опскура: студии по феминизам, култура и медиуми“, „Месечник за уметност“, „Уметноста во Америка“, „Журнал АСАП“, „Уметност и документација“, како и во антологиите „Промена на корпореалностите во современиот перформанс“ и „Перформансната уметност во втората јавна сфера“.
