Здружено со Тиииит! Инк. годинава организираме мини-школа за критичко пишување која ќе се одржува од 1 до 13 јуни, како дел од младинската програма на фестивалот Прво па женско.
Школата ќе биде поделена на четири дела – две предавања и две практични работилници – преку кои учесничките/ците ќе се стекнат со основните начела на историјата на женското движење и присуството на родот во јавниот дискурс и медиумите, како и основите и практичните аспекти на пишување аргументиран текст.
Целта на оваа мини-школа е да се обучат учесничките за пишување на издржани критички текстови, со силна лична перспектива, која би открила нови и не-толку-јавно-застапени гледишта за искуствата на девојки и жени, како и на сексуалните и родовите малцинства. Теоретските предавања ќе ги одржат Ирена Цветковиќ и Ана Мартиноска а практичните обуки ќе бидат со Калиа Димитрова и Хана Корнети. Текстовите кои ќе произлезат од обуките, ќе бидат објавени на веб страниците на Тиииит! Инк. и Медуза.
Секое предавање или работилница ќе се одржува на отворено и ќе трае од два до три часа, со паузи и ќе бидат затворени за пошироката јавност. Задолжително ќе е носењето на прекривка преку носот и устата (медицинска или платнена маска, марама, бандана) и/или одржување физичка дистанца.
За да учествувате поплнете ја пријавата на следниот линк: https://docs.google.com/forms/d/1KZlRrhnV-A8uWG6oREL-pceNR2rIebK7cffX24nleV0/edit?ts=60a4e128&fbclid=IwAR1q1D7dfKTSnZL3D1114cEbx2bzxZEr5789v_fp6VFIqdZ1X6QWs_VEdXQ
Бројот на места за обуката е ограничен.
