,

По масовните протести, дополнителните забрани за абортус во Полска се одложени

Пресудата на Уставниот суд требаше да стапи на сила на 2 ноември, но сè уште не е објавена во службен весник.

Илустрација: Krystyna Engelmayer Urbańska
Илустрација: Krystyna Engelmayer Urbańska

По две недели масовни протести низ целата земја, популистичката десничарска влада на Полска одлучи да го одложи спроведувањето на одлуката за забрана за абортус во случај на аномалија на фетусот.

Пресудата на Уставниот суд требаше да стапи на сила на 2 ноември, но сè уште не е објавена во службен весник.

Владин претставник рече дека се консултирале во Владата и дека е потребно повеќе време за дијалог и дека спроведувањето на одлуката се одложува.

„Тие [владејачката партија ПиС] не знаат како да ја решат ситуацијата во Полска, немаат мнозинство во парламентот што ја поддржува забраната и се плашат да одговорат на прашањата“, рече Малгоргата Кидава-Блонска, потпретседателка на опозицијата.

Доколку оваа одлука стапи на сила, абортусот ќе биде легален само во случај на инцест, силување или загрозено здравје на мајката, што во пракса би значело дека абортусот е речиси целосно забранет.

 

 

 

 

 

Извор: Vox Feminiae 

Преведено од:

Тимот на Медуза

Nov 4, 2020

Коментари
Scroll to Top