Подгответе се за суров оптимизам

Од 2 до 8 септември на неколку од нашите омилени локации (Музејот на современа уметност, Комитет, Shortbus, но и онлајн) ќе можете да следите изложби, перформанси, предавања, промоциja на книгa, танцовa изведбa, дрег шоу и ди-џеј сет, како дел од овогодинешниот Викенд на гордоста во Скопје, во организација на Коалиција Маргини и ЛГБТИ Центарот за поддршка.

„Основниот кураторски субјект на овогодишното издание на Фестивалот е Суров оптимизам, со што им оддаваме почит на продуктивните начини на обмислување,естетиката и политичката критика воведени преку делото на Лорен Берлан за суров оптимизам (2011), од една страна, и да ги истражиме и проблематизираме современите општествени, културни и политички состојби преку овој концепт како критичка алатка, од друга страна. Суровиот оптимизам ги означува тековните приврзаности и афектниот и либидинален влог кон/во објекти, места, идеали, норми, институции, светови и форми на живот како грст ветувања и извори на истрајност, како блискост што не ги прават подостижни ветените нешта и фантазијата за добар живот туку, напротив, се спротивставуваат на нашиот процут, индивидуален и колективен. Особено сурово во овие форми на односи на „приврзаност кон компромитирани состојби на можноста, чија реализација е или невозможна, обична фантазија или премногу возможна, и токсична“ (Берлан 2011) е тоа што субјектите не успеваат да ја истрајат можната загуба, прекин, трансформација, криза или исчезнување на овие објекти и места на желба и приврзаност, и покрај искуството на абење на субјективната и колективна благосостојба. Загубата на овие места, норми, институции и форми на живот воведуваат афектна дезориентација, прекин или криза во прилично познататите жанрови на живеење, интуиции и афектни мапи за самореализација и закотвување, и вреднување и интерпретација на светот. Овие загуби се прекин во „континуитетот на чувството на субјектот да узнае што, всушност, значи да продолжи да живее … и го надвладуваат капацитетот и способноста на субјектот да негува надеж за нешто“. Во современите социо-политички и културни услови, објектите на сурова оптимистичка приврзаност можат да се препознаат во  тековните инвестирања, надеж и близина до национализмот, хетеронормативност, мажественост и родова бинарност, привилегијата на белата раса, разни идентитетски политики и неолибералната рационалност, и покрај тоа што тие се проблематични објекти на желба преку кои се поткопуваат условите на колективниот живот и добриот живот за кои копнеат субјектите. Но освен тоа, во поширок историски и западен контекст, би можеле да ги разгледаме политички фиксираните значења и надежи вложени во нормативните форми на субјективитет, индивидуализам, автономија, идентитет, интенционалност, љубов, сопственост, нормалност и обичност, заедница, нацијата-држава, суверенитет, политиката на границите и „метафизиката на присуството/сегашноста“ воопшто“. – вели Славчо Димитров, куратор на фестивалот.

Целата програма на фестивалот е замислена да одговори на протоколите пропишани за одржување на јавни настани заради состојбата со пандемијата, каде организаторите во соработка со институциите, ќе внимаваат истите да се почитуваат целосно  Согласно, бројот на посетители на секоја од фестивалските активности ќе биде ограничен.

🟡 Програма // Timetable
📆 02 септември (среда)
20:30 ч.
Музеј на современа уметност
Групна изложба: СКРШЕНО
Каталог за изложбата

Куратор: Славчо Димитров
Уметници: Феликс Гонзалез-Торес (Felix Gonzalez-Torres), Полин Бодри и Ренате Лоренц (Pauline Boudry / Renate Lorenz), Христина Иваноска(Hristina Ivanoska), Карин Мичалски (Karin Michalski), Федерика Даури и Хермес Питакос (Federica Dauri / Hermes Pittakos), и Велимир Жерновски (Velimir Zernovski)

📆 03 септември (четврток)
21:00 ч.
Музеј на современа уметност
Мојот последен американски долар (My Last American Dollar)
Кијун Томас (Keijaun Thomas)
Детали

📆 04 септември (петок)
13:00 – 14:00 ч.
Онлајн предавање на д-р Горан Павлиќ (Академија за драмски уметности, Универзитет во Загреб)
Да се застрани или не: ненормативен пристап кон кураторството
Детали

📆 05 септември (сабота)
21:00 ч.
Музеј на современа уметност
Во партнерство со Кино Култура
dragON aka PONY
Танц, кореографија, перформанс: Александар Ѓеоргиев, Жана Пенчева и Дарио Барето Дамас ака STEAM ROOM
Музика: Цветан Момчилов
Костими, сцена: Ралица Тонева
Графика: Ѓорѓи Десподов
Копродукција со: Колектив Гараж (Garage Collective), Проект Бреин стор (Brain Store Project) и Танцовата академија „Номад“ од Словенија.
Детали

📆 06 септември (недела)
20:00 ч.
Онлајн
Предавање и разговор со Лорен Берлан
СУРОВ ОПТИМИЗАМ
Детали

📆 07 септември (понеделник)
18:00 ч.
КОМИТЕТ
Самостојна изложба: Низ ножици
Јован Јосифовски
Детали

📆 07 септември (понеделник)
21:00 ч.
Супкултурен центар SHORTBUS
Промоција на романот Лето во кое те нема од Петар Андоновски
Промоторки: Румена Бужаровска и Ирена Цветковиќ
Детали

📆 08 септември (вторник)
21:00 ч.
Онлајн ДРАГ ШОУ: Берлин – Скопје – Белград
Онлајн пренос на facebook страната на Skopje Pride Weekend
Затворена забава со ДиЏеј сет на Ивана Драгшиќ
Супкултурен центар SHORTBUS и online stream на facebook страната на Skopje Pride Weekend
Детали