Вчера, илјадници албанци протестираа во Тирана против сексуалното насилство. Протестот беше организиран како реакција на силувањето на 15-годишно девојче од страна на училишниот чувар и три други лица.
Сторителот го снимал нападот и го споделил записот со тројца млади луѓе, соодветно на возраст од 20, 16 и 15 години.
Тројцата ја користеле снимката како уцена со цел повторно да ја нападнат и малолетничката.
Силувањето било пријавено во полиција откако родителите на малолетничката дознале за тоа.
Братот на малолетничката потврдил дека четворицата мажи споделиле слики и снимки од нејзиниот напад. Според него, целото соседство знаело за нападот, но никој не постапил да го спречи тоа.
Четворицата мажи се уапсени. Наводно, 65-годишникот ги негирал обвиненијата за силување, тврдејќи дека 15-годишншното девојче се согласило.
Судот во Тирана донел одлука дека сите четворица мажи ќе чекаат судење во затвор.
Преку интернет-петицијата за создавање јавен регистар за сексуални престапници во Албанија се обра скоро 27.000 потписи за поддршка.
„Не си сама“, „Државата е силувачот“, „Твојата ќерка не е виновна“, „Твојата сестра не стори ништо лошо“, „Наставникот не треба да молчи пред силување“, „Јас си припаѓам само на себе си“, се некои од знаците што ги држеле демонстрантите.
Преведно од: Balkan Insight и Exit.al.
Преведено од:
Сара Миленковска
Jun 5, 2020
