,

Протести во Косово: Дали училиштето нé третира како ученички или како објекти?

Како реакција на наводите за силување на малолетно лице од страна на вработен во косовската полиција се одржаа организирани протести во Приштина и Дренас

International Women's Day, in capital Pristina, Thursday, March 8, 2018. B,(AP Photo/Visar Kryeziu)
International Women's Day, in capital Pristina, Thursday, March 8, 2018. B,(AP Photo/Visar Kryeziu)

Протестите се одржаа во четворток и петок во Приштина и во Дренас. Демонстрантите бараат итни чекори за расчистување на случајот и зголемување на свеста за прашањата на сексуалното насилство во Косовската полиција.

Организаторите на протестите бараат полицискиот инспекторат во Косово да започне истрага за случајот и да ги едуцира полициските службеници за адекватно справување со случаи поврзани со сексуално насилство.

Началникот во полицијата во Дренас, идентификуван само преку иницијалите В.В. минатиот вторник беше приведен и по налог на обвинителството притворен 48 часа, информира полицискиот инспекторат на Косово.

Полицискиот инспекторат изјави дека истрагите за инцидентот и за други лица осомничени за вмешаност се во тек.

Според Младинската иницијатива за човекови права во Косово, првиот протест што се одржа пред полициската станица во Приштина минатиот четвртокот имаше цел да “изрази револт против легитимизацијата на насилството кон жените и девојките во косовската полиција”.

„Најновиот случај, каде постои сомнеж дека полициски службеник силувал, прогонувал, му се заканувал и малтретирал малолетно лице од Дренас, ги шокираше сите, и тоа бара далекосежен одговор“ – наведено е во соопштението на Фејсбук на протестот.

Вториот протестен марш беше организирана од група граѓански организации во Дренас во средното училиште “Ѓерѓ Кастриот Скендербег”.

Во септември 2017 година, наставник на малолетникот вклучен во случајот бил суспендиран поради обвинувањата за сексуално вознемирување. Сепак, истрагата беше отфрлена од страна на обвинителството откако, под непознати околности, малолетникот ги повлече своите обвиненија.

Во средата, како одговор на апсењето во вторникот, градоначалникот на Дренас, Рамиз Ладровци, на прес-конференција објави дека повторно го суспендирал истиот наставник со цел повторно отворање на првичната истрага.

„Наново презедовме мерки и испративме допис до државното јавно обвинителство дека уште тогаш сметавме дека случајот е сериозен и не се третира соодветно.  Сега се чини дека сме во право.“ – рече Ладровци.

Граѓанските организации во Дренас упатија голем број барања до Полицискиот инспекторат на Косово.

„Случајот на злоупотреба и малтретирање на 16-годишно девојче од страна на оние што треба да ја едуцираат, заштитат и да и помогнат да заздрави е јасен доказ за систематски застој на државотворниот процес на Косово.“

„Инсистираме полицискиот инспекторат во врска со овие случаи да отвори истрага за целата полициска станица во Дренас, а во зависност од наодите да преземе мерки и да организира обуки за подигнување на свеста за полицискиот персонал за родова еднаквост, третман на вакви случаи и етички кодекс на работа“ –стои во дел од барањата на огранизаторите на протестите.

Организациите, исто така, побараа од Инспекторатот да организира кампањи за подигање на свеста за зголемување на довербата на граѓаните во косовската полиција и тесно да соработува со граѓанското општество и младинските организации. – известува Приштина Инсајт. 

Еден од пропустите на медиумите кои известуваа за случајот е видилив во емитирањето на интервјуто со жртвата. Нејзиниот вистински глас не е сокриен, како што налага зашитата на сведоци и тоа што нејзината согласност зависела од нејзината анонимност. Исто така, овој случај според Kosova Women’s Network е пример за несензитивноста при известувањето. На нивните социјални мрежи испратија повик до сите граѓани кои ќе наидат на вест во која идентитетот е откриен да пријават, или би довеле до ре-виктимизација.

Во петокот Косовскиот парламент имаше вондредна седница на која претседателот најави дека веднаш ќе се преземат легални мерки за да се осигура дека правдата ќе биде извршена.

Во прилог, еден од говорите оддржан во петокот пред училиштето на жртвата:

Во ова училиште јас некогаш сонував за подобра идниниа и подобар живот, како мене, имаше и многу други девојчиња на кои ова училиште соништата им ги претвори во кошмар.

Денеска секоја од нас се прашува- Што ако бев јас? Што ако ова ќе и се случеше на мојата сестра или другарка?

Ние верувавме слепо дека во ова училиште ќе научиме повеќе и ќе ни овозможи подобра кариера, но ни жртвата ни никоја друга девојка не веруваше дека ќе станеме дел од еден систем кој нé омаловажува и ги силува своите ученички.

Во име на жртвата, во име на многу други жртви кои нема храброст да зборуваат во свое име за идните генерации, јас го прашувам раководството дали ова е училиште каде ние учиме или место каде нé силуваат?!

 

Дали училиштето нé третира како ученички или како објекти?

 

Молчевме со години, но веќе молчењето не се простува. Не смееме да молчиме повеќе, бидејќи утре кога ќе бидеме ние жртва, другите жртви ќе прашуваат она што ве прашавме денес вас: дали училиштето е за да учиме или да нé повредуваат ?

Можеби се прашувате зошто ова не ви се случи вас? Но, не би кажала дека не ви се случило ако им се случило на оние околу вас. Затоа, да бидеме заедно за жртвите, за нас, за нашите сестри и девојки. Затоа мора да реагираме сега, пред да биде премногу доцна.

Ние молчевме со години, но веќе молчењето не се простува. Не треба да молчиме повеќе, бидејќи утре кога ќе има повеќе жртви, ќе нé прашуваат она што ве прашуваме вас: дали училиштето е да научиме или да нé повредуваат?

Затоа, за да ја вратиме довербата во овој трул систем, жртвите треба да се вратат во училиште, а професорот-педофил во затвор, онаму каде што му е местото.

А ти што се плашиш да пријавиш, за тоа што ти се има случено, не е твоја вината, затоа не молчи. Пријави, зборувај, викај, бидејќи сите ќе бидеме зад тебе и ќе се бориме за твоите права. – Altinë Nika

 

 

 

 

 

 

Текстот од Приштина Инсајт е преведен од англиски на македонски јазик од Лени Фрчковска

НАПИШАНО ОД:

Сара Миленковска

Feb 11, 2019

Коментари
Scroll to Top