Во еден разговор со мојот психолог, дојдовме до заклучок дека единственото задоволство кое знам да си го дадам е храната. Не секогаш знам да уживам во животот. Тоа ме натера да размислувам и ме поттикна сопственото задоволствo да го сфатам сериозно и себично да се пуштам во потрага по оргазмични чувства и искуства. Логично беше да се свртам кон мојот сексуален живот, како извор на оргазми, во вистинска смисла на зборот.
Во суштина, одлично го познавам своето тело и точно знам што ме пали, но сакав да истражам секс играчки со кои не би требала да ја користам сопствената енергија, а би дошла до оргазам. Па така, одлучив да ја пробам играчката која ја промовира секоја втора инфлуенсерка на инстаграм, а тоа е клиторалниот шмукач. За мене ова беше откритие на векот.
Клиторалниот шмукач е секс играчка која се става во пределот на клиторисот и симулира чувство на шмукање што води до интензивен оргазам. Благодарение на неа, развив силно чувство на благодарност кон клиторисот, чија примарна и единствена функција е моето задоволство.
Играчката ја нарачав од македонски секс-шоп и откако ми беше дискретно доставена до домот, решив да ја пробам. Влегов во соба и ја отворив кутијата која беше завиткана во еднобојна хартија, доволно дебела и темна за да не се види ништо од пакувањето. Оваа дискретност ми беше од голема важност, бидејќи живеам со многу конзервативни родители, кои никогаш не би разбрале.
Првото нешто што ми остави впечаток кај оваа играчка е силната розева боја. Играчката е двострана, од едната страна е клиторален шмукач, а од другата е вибратор, иако морам да признаам дека вибраторот остана неупотребен, бидејќи вагиналните оргазми не ми се толку силни како оние од клиторисот. На самата играчка има три копчиња. Средното служи за вклучување, на горното се вклучува и подесува шмукачот, а на долното се вклучува и подесува вибраторот. Клиторалниот шмукач е силиконски и е прилично нежен кога ќе се стави во пределот околу клиторисот. Уште една позитивна страна на оваа направа е тоа што е прилично тивка. Не тврдам дека е бесшумна, но звуците што ги вади се стишуваат уште повеќе кога ќе ги допре гениталиите. Се полни со УСБ кабелче.
Ги изгаснав светлата и целосно го опуштив телото. Го поставив во позиција блиску до клиторисот и чекав. Сфатив дека тоа не е соодветната позиција, па морав да истражувам разни точки околу клиторисот. Ова е можеби единствениот дел со кој имав проблем, но маката се исплатеше бидејќи штом ја најдов правата точка, по максимум 3-4 минути почувствував топлина низ цело тело, а посебно во задниот дел на нозете. Оваа сензација никогаш ја не бев искусила. Струење кое ми го наелектризира целото тело. Пробав одново и одново и мислам дека следните неколку дена не го испуштив од рака.
За мене ова беше едно многу чудно искуство, бидејќи ова ми е прва секс играчка. Досега мастурбацијата секогаш ми била проследена со мисли и чувства за некој маж и мозокот речиси секогаш ми работел обидувајќи се да искреира соодветно сценарио кое би ме возбудило. Со клиторалниот шмукач задоволувањето доби нова димензија, бидејќи е чисто физичка сензација, испразнета од чувства и комплетно механичка. Мозокот ми се стишува кога се препуштам на сензациите. Медитација и мастурбација. Задоволство: од себе за себе. Најчиста форма на себе љубов. Донесов одлука секоја вечер да заспивам со барем еден ваков оргазам и досега сум доста дисциплинирана. Понекогаш се случува да имам 4-5 оргазми пред да заспијам. Не е ни чудо што наутро се будам свежа и добро наспана.
Додека цицалчето шмука имам чувство дека ми ја шмука целата негативна енергија и стрес кои се акумулирале за време на денот и заборавам на сите непријатни емоции. За време на оргазмот имам чувство дека се спојувам со возвишеното и натфизичко јас. Го стискам јорганот и ги гризам перниците. Целото тело ми се грчи и оргазмот го чувствувам во секоја клетка. Доживувам оргазми какви никогаш не сум доживеала со маж, бидејќи за време на односи сум прилично свесна за своето тело и не сум целосно опуштена.
Сум била со мажи кои се однесувале како клиторисот да е џоистик за плејстејшн. Некои од нив грубо го шмукале, а некои знаеле и да го загризат. Сум била и со мажи кои лижеле сè околу, освен клиотрисот, но и такви кои не сакале да ми дадат орален секс. Најдоброто кај овој шмукач е тоа што секогаш успева да ме задоволи. Не се гади да шмука, а тоа го прави доволно нежно и доволно грубо. Нема молење и убедување, туку само акција.
Еден од моите поранешни партнери беше против идејата да користиме било какви секс играчки за време на односите. Уште тогаш сакав да си купам, но неговата реакција ме одврати од идејата, затоа што не сакав да го навредам бидејќи почувствував дека тоа доаѓа од некоја негова несигурност. Ова ми се потврди штом на подкастот 4Д на Деми Ловато ја слушнав Шан Будрам (лиценциран едукатор за секс и интимност) како тврди дека користењето на секс играчки во хетеросексуални врски е табу, бидејќи тоа често се сфаќа како потценување на моќта и способноста на мажот да ја задоволи жената. Се навратив на ситуацијата со мојот поранешен дечко и помислив дека можеби и тој така се чувствувал, па затоа имаше и толкава одбивност кон овие играчки. Наративот дека мажите се секс-машини кои се расположени за секс 24/7 треба да се надмине. Нашите сексуални партнери не секогаш можат сексуално да возвратат на нашите потреби или пак не на начинот на кој ние би сакале.
Затоа на помош доаѓаат ваквите играчки. Тие ја зачувуваат силата на партнерот за време на чинот и прават да трае подолго. Овие играчки можат да бидат како еден вид на катализатори кои можат да водат до најдоброто возможно сексуално искуство. Плус, доколку сте со партнер кој едноставно не знае како да ве задоволи орално, оваа направа може да ви ја спаси врската. На веб страната на секс-шопот од каде го купив шмукачот стои исповед на една задоволна клиентка која вели: “Толку е добар, што не би го заменила со ништо друго, дури ни со вистински јазик!”
Оргазмите се дарови на животот. Во ова време на брз живот, жените се често растрчани на сите страни и под константен стрес да бидат и направат сè. Секс играчките се еден вид на издувен вентил кој може да им го намали стресот и подобри менталното здравје. Топло им го препорачувам на сите оние кои одамна или воопшто немаат искусено оргазам, бидејќи сметам дека најбрзо ќе ги доведе до состојба на екстаза. Јас и понатаму ќе продолжам да го користам и верувам дека ова ќе ми биде најдолгата, најлесната и најверната врска во животот. Шмукај, шмукај бејби!
анонимно писмо
