Овие потресни стихови испеани од илјадници чилеански феминистки во знак на протест против сексизмот и сексуалното насилство буквално го преплавија интернетот во последните неколку недели.

„Un Violador En Tu Camino“ е чилеанска феминистичка химна, исто така позната и по англискиот наслов „А Rapist In Your Path“. Од родното Чиле па се’ до Австралија, жени низ целиот свет ја изведоа песната заедно со придружиот танц, а стотици интернет корисници ги објавија видеата од настапите на социјалните медиуми.

Како настана „Силувач на твојот пат“

Создадена во Чиле од страна на локалниот феминистички колектив Лас Тесис, химната за првпат беше изведена за време на флеш-моб во северозападниот град Валпараисо, на околу 120 километри северо-западно од главниот град Сантијаго, на 20ти ноември.

Неколку дена подоцна, на Меѓународниот ден за елиминирање на насилството врз жените, повеќе групи жени се собраа пред Врховниот суд на Чиле – во Сантијаго и во близина на други владини згради низ целата земја и повторно ја изведоа химната.

Стоејќи во линија, облечени во облека за излегување и носејќи превез околу очите, демонстрантките ги вперија прстите кон „полицајците, судиите, државата, претседателот“ и унисоно ја изведуваа моќната, борбена химна која го обвинува патријархатот како одговорен за стореното насилство против жените и последователното засрамување на жените- жртви на насилство со кое тие се соочуваат во општеството во кое живеат.

За нешто повеќе од две недели, хорот се прошири и надвор од земјата, а слични демонстрации почнаат да се одржуваат не само во Мексико, Костарика, Колумбија и Аргентина, туку и во Канада, Австралија, како и во европските земји како Франција, Германија и Шпанија.

Текстот беше преведен на шпански знаковен јазик за да се зголеми инклузивноста при изведување на песната и позначително да се прошири пораката која таа ја носи со себе.

Реакција на Клуб Америка кон „Силувач на твојот пат“

Жени од Мексико се приклучија на протестот против насилството врз жените на 29ти ноември, демонстрирајќи на главниот плоштад во Мексико Сити против шовинизмот и фемицидите. На 7ми декември, тие повторно излегоа на улиците, откако на социјалните мрежи беше објавено видео со (under 17 – под 17 години) тимот на фудбалскиот клуб Мексико Сити, каде тимот прави пародија од химната.

На видео снимката се прикажани неколку играчи со соблечени кошули во спортска соблекувална кадешто се смеат и изведуваат несинхронизирана верзија на кореографијата на химната.

Статистички приказ на насилството врз жените

Ваквите прикази против машката мизогинија се појавуваат како одговор на големиот број фемициди во Централна и Јужна Америка. Според податоците собрани од Опсерваторијата за родова еднаквост за Латинска Америка и Карибите (GEO) на Економската комисија на Обединетите нации за Латинска Америка и Карибите (ECLAC), најмалку 3529 жени биле убиени поради нивниот род во 25 латиноамерикански и Карипски земји во 2018та година.

Извештајот на ECLAC покажува дека четири од петте највисоки стапки на фемицид во регионот на Латинска Америка се појавуваат во северните земји во Централна Америка, т.е. Ел Салвадор, Хондурас и Гватемала, и во Доминиканската Република.

Додека Перу има најмала стапка на фемициди во регионот минатата година, Боливија има трета највисока стапка во Латинска Америка и највисока во Јужна Америка.

„Убиството врз жените врз основа на нивниот род е екстремниот крај на континуумот на насилство што го доживуваат жените во регионот“, изјави Алисија Барцена, извршен секретар на регионалната организација на ECLAC.

Официјалната претставничка на Обединетите нации истакна дека утврдените статистики издадени ECLAC „ја покажуваат длабочината на патријархалните, дискриминаторските и насилните културни модели што се присутни во регионот“.

Таа додаде: „Милиони жени во регионот излегоа на улица да побараат нешто што е толку основно, но сепак е повредено: правото да се живее животот без насилство“.

Извор: Euronews.com