Програмата на Венециското Биеналето на уметноста 2022 за појдовна точка ја зема уметницата Леонора Карингтон (1917-2011) – надреалистка чиешто книжевно и уметничко дело ги инспирираше насловот („Млеко од соништата“ – по истоимената книга на Карингтон) и темите на 59-та Меѓународна уметничка изложба.
Делото на Карингтон е појдовна точка за проширување на тематските нишки кои се провлекуваат низ „Млекото од соништата“: претставувањето на телата и нивните метаморфози; односот помеѓу поединците и технологијата; и врската помеѓу телата и Земјата.
Во периодот од 7-ми до 11-ти јуни 2022 година, како дел од богатата програма, ќе се одвиваат серија разговори, клучни предавања и филмски проекции во кои се вклучени триесет и пет уметници, интелектуалци, куратори, теоретичари, мислители и писатели од различни области за да разговараат за делото на Карингтон и другите надреалистки-уметници.
Некои од главните теми на овие настани се: метаморфозата, раскрстувањето со бинарните родови форми, окултизмот, алхемијата, магијата и домородните епистемологии; постхуманистичкиот пресврт; нашиот однос со Земјата и со технологиите; практиката на фабулација; и феминистичките пристапи за курирање.
Меѓу говорниците се и Susan Aberth, Sophia Al-Maria, Tere Arcq, Tomaso Binga, Matthew Biro, Rosi Braidotti, Giulia Cenci, Susanne Christensen, Jeffrey Deitch, Elisa Giardina Papa, Andrea Giunta, Jack Halberstam, Saidiya Hartman, Jennifer Higgie, Tishan Hsu, Yuk Hui, Jacqueline Humphries, Candice Lin, Canisia Lubrin, Joanna Moorhead, Gloria Orenstein, Alexandra Pirici, Clarissa Ricci, Christina Sharpe, Marianna Simnett, Adrien Sina, Ánde Somby, Gražina Subelytė, Emma Talbot, Wu Tsang, Angela Vettese, Rinaldo Walcott, Marina Warner, Anna Watz, итн.
Сесиите се пренесуваат во живо, а истите се достапни и на Јутјуб каналот на Венециското биенале.
