#ThisIsNotConsent

,

#ThisIsNotConsent

Под хаштагот #ThisIsNotConsent девојки и жени од Ирска споделуваат фотографии од нивните танга гаќички, како форма на револт и отпор што на судење за силување адвокатката на обвинетиот 27-годишен маж, како доказ во негова одбрана навела дека девојката која го обвинила за силување носела танга гаќички.

Нејзината провокативна долна облека ја искористила како аргумент во одбрана на својот клиент, 27 годижен маж.

-Треба да погледнете како била облечена. Носела танга од чипка – изјавила адвокатката.

Судот го прогласил за невин, што во градот Коркс предизвика протести.

Голем број на жени излегоа со танга во рацете инсистирајќи дека и веруваат на девојката, но и дека мора, во се уште длабоко конзервативното и религиозно ирско општество, да и се стави крај на традицијата на „обвинување на жртвата“ и нејзино дополнително виктимизирање.

-Едноставно кажано, облеката не претставува знак на согласност на полов однос. Ваквото префрлање на вината врз жртвата е застарено иза него нема место во нашиот законодавен систем – кажа Сузан Дилан, една од основачките на групата за поддршка.

ОБЈАВЕНО ОД:

Лени Фрчкоска

Nov 18, 2018

Коментари
Scroll to Top