Џулиета, Хетеросексуалка

Се јави на линијата за помош, некаде околу полноќ. Плачеше, едвај ја разбрав. Кажа дека крвари, има повреда на главата…

Барбара, транс жена

Секој сексуален чин беше насилен. Ниту еднаш не бев согласна на тоа. “После секој пат се гадев од самата себе”, низ солзи зборуваше Барбара.

Џејсон, геј маж

После една недела откако беше сместен во шелтер, дојде цел во солзи и кажа дека цел свет му е срушен. Дека нема сила да почне пак од нула.

Вилијам, геј маж

“Моето патување до пеколот и назад, почна уште кога бев мал”, беше реченицата со која Вилијам го почна раговорот првата вечер кога беше сместен во шелтерот.

Вики, лезбејка

Ја познавав Вики приватно. Често ми раскажуваше за насилство кое го трпи од партнерката. После многу охрабрување и долго време, одлучи да ја напушти насилната врска. Денес кога се навраќаме на муабетот од тоа време, вели дека се чувствува заробено, како да нема излез никаде.

Ричард, геј маж

Тој често се јавуваше на линијата за помош, најчесто после страшна караница со партнерот која завршуваше со физичко насилство. Шепотејќи од страв, раскажуваше што се случува.
Му беа потребни неколку години да го остави партнерот.

Ребека, бисексуалка

Ребека долго време се бореше со депресијата.
Многубројните обиди за самоубиство имаа оставено лузни на нејзиното тело.

Викторија е изложба на фотографии, по повод 16 дена активизам против родово базирано насилство, која се одржа на 8 декемри, организирана од Хелсиншкиот комитет за човекови права и ЛГБТИ центарот за поддршка Скопје, во соработка со Шелтер центар “Сигурна куќа” и Медуза.
Изложбата се состои од 10 фотографии од жртви на родово базирано насилство и насилство поради сексуална ориентација, со пропратна приказна напишана од нивна страна. Тие личности, кои секојдневно се борат со искуството од кое нема каде да се скриеш, тие се вистински победици! За да го прославиме нивниот триумф и храбар избор да се проба да се чекори понатаму, го споделуваме остатонокот од фотографиите од изложбата Викторија.

Фотографиите се дело на Христина Христова и авторските права на истите се задржани.