Јас сум љубов ( I am love )
Ема ја напуштила Русија за да живее со сопругот во Милано, Италија, од каде тој потекнува. Сега, дел од моќно индустриско семејство, таа е почитувана мајка на три деца, но се чувствува неисполнето.

Режија: Luca Guadagnino

Улоги: Tilda Swinton, Flavio Parent, Edoardo Gabbriellini

Времетраење: 120’

Земја: Италија 

Жанр:  Драма

Ема ја напуштила Русија за да живее со сопругот во Милано, Италија, од каде тој потекнува. Сега, дел од моќно индустриско семејство, таа е почитувана мајка на три деца, но се чувствува неисполнето. Тоа набрзо се менува, кога го запознава Антонио, талентиран готвач и пријател на нејзиниот син, со кого почнуваат интензивна афера, која претставува закана за сите нејзините останати релации.

Јас сум љубов (2009), во режија на Luca Guadagnino, го има лежерниот шмек, сексуална тензија и бавен развој на наративот, слично како и добро познатиот Call me by your name (2017), од истиот режисер, но содржи и доза на мистериозност и морничавост. Тилда Свинтон во улога на главната протагонистка Ема, совршено ги пренесува сите слоеви на ликот (па и на филмот), евоцирајќи една жена која не целосно припаѓа во раскошот во кој живее, служи на потребите на фамилијата во која се омажила и сфаќа дека сè околу неа ќе се распадне, само доколку ги прифати и следи сопствените потреби.

 

 

НАПИШАНО ОД:
Париз гори (Paris is burning)
Eсенцијална филмска лектира која зборува за солидарноста, заедништвото и уметноста, кои ги одржуваат квир заедниците и сè уште претставува еден од најавтентичните прикази на дрег културата. 
Квин & Слим (Queen & Slim)
Квин и Слим е приказна за пријателството, солидарноста, неправдата и преживувањето, теми кои се одмотуваат додека во позадина вртат сонливи пејзажи и саундтрак кој е еднакво добар колку и филмот.
Тоа е грев (It’s a Sin)
Серија која нуди еден многу потребен, трогателен и болен поглед на раната борба со ХИВ вирусот во Велика Британија, недостатокот на информации и терапија, како и стравот од неизбежната судбина.
Laurence Anyways
Оваа динамична мелодрама циркулира околу релациите, родот и љубовта со непопустлива преданост кон транзицијата и страдањето на главните ликови.
Бубалици (Booksmart)
Две најдобри другарки, кои целото средно школо го посветиле на учење и подготовки за универзитет, сфаќаат дека можеби испуштиле други значајни искуства за разлика од своите врсници.
Венено (Veneno)
Венено ги следи сеќавањата на Кристина од нејзиното детство, траумата која ја претрпела, како научила да се справува со неа, и како ја креирала персоната која ѝ помага да преживее.
Малколм & Мари (Malcolm & Marie)
Клаустрофобична (анти) љубовна приказна, која ги отвора прашањата на дискрепанците на моќта, расата, неплатениот труд, автентичноста во уметноста и традиционалната улога на жената како муза.
Кери (Carrie)
Oвој октомври нашите филмски препораки ќе бидат во доменот на хоророт, а со кој филм е посоодветно да се започне ако не со легендарниот Кери (Carrie) од 70тите.
Мустанг (Mustang)
Филмот го прикажува животот на пет млади сестри кои живеат со своите баба и дедо во едно сегрегирано турско селце низ секојдневните предизвици, проблеми и правила кои ја диригираат нивната младост.

Момент...

No more pages to load

1 2