Режија: Софија Копола

Улоги: Kirsten Dunst, A. J. Cook, Hanna R. Hall Leslie Hayman

Година: САД

Жанр: Мистерија, Драма

Времетраење: 134′

Во една (навидум) обична  куќа, во мирната, приградска Америка на 70-тите, живеат петте прекрасни Лизбон сестри. Нивната трагична, колективна смрт засекогаш го обележува соседството и момчињата кои ја прераскажуваат приказната за љубовта, репресијата, фантазијата, сеќавањата и девствените тајни. Во суштина, приказната останува да биде мистериозна, зашто, како би можеле група момчиња да ја раскажат докрај приказната за болната женска адолесценција која завршува во смрт.

Соседството, заедно со медиумите и психолозите, ги процесираат самоубиствата на девојките на ниво на модерен мит, или попросто кажано трач: 5те сестри како жртви на приватни околности, односно строгиот домашен режим под кои ги држат нивните родители или пак индивидуални психолошки растројства, кои ги водат кон одлуката да направат смртоносен пакт, редуцирајќи ја нивната смрт на апсурд. Малата заедница продолжува да ја негува културата на гниење, но не успева да ја увиди смртта на сестрите како симптом на затвореноста, малограѓанството и токсичноста на заедницата во целост, или во секој еден од нив. Трагичната судбината на Лизбон сестрите всушност се отстварува како манифестација на вредностите и стравовите на луѓето околу нив.