Режија: Џенифер Кајтин Робинсон
Улоги: Камила Мендез, Маја Хок, Остин Абрамс, Алиша Бо
Времетрање: 118’
Земја: САД
Жанр: црна комедија, драма, coming-of-age
„Oдмазди се“ е coming-of-age црна комедија од 2022 година, во режија на Џенифер Кајтин Робинсон. Дреа (Камила Мендез) ја ужива својата средношколска моќ како алфа-девојка на престижниот кампус во Мајами, која се изборила за својот статус во супер-елитното училиште, иако поттекнува од сиромашна позадина. Но, нејзиниот живот е набрзо уништен, откако секс видето кое го снима за својот дечко, Макс (Остин Абрамс), магично е испратено до сите во училиштето.
Елеонор (Маја Хок) е нова ученичка, која исто така смета дека животот ѝ трајно уништен поради гласнина која ја почнала една девојка од училиштето. По една случајна средба во тенискиот клуб, Дреа и Елеонор создаваат тајно пријателство со цел одмазада на тие кои им згрешиле.
„Одмазди се“ претставува омаж (и тематски и естетски) на добро познатите тин-комедии од 90тите и 2000ти, со Gen Z шмек, занимавајќи се со, добро истражениот, но засекогаш релевантен наратив, на созревање во средина која креира поделби, која е насилна и застрашувачка, но истовремено зашеметувачки забавна и привлечна. Кинематографијата, костимите и музиката функсионираат одлично, но ликовите на моменти делуваат како карикатури на тропите кои ги застапуваат, иако филмот навудум пробува да ги разниша стереотипните тропи.
Прашањето кое се поставува е, дали на повидок е тин-класик за денешните тинејџери од калибарот на „Clueless“ или „Mean girls? Ние мислиме не. Нo можеби се работи за генерациски јаз. Погледете го филмот и пресудете сами 🙂
