Режија: Bong Joon Ho

Жанр: Акција, научна-фантастика, сатира

Улоги: Ahn Seo-hyun, Tilda Swinton, Jake Gyllenhaal, Frank Dawson, Paul Dano

Окја е научно-фантастичен авантуристички филм од 2017 година во режија на Бонг Џун Хо, веројатно најпознат по филмот Паразит.

Mладата Мија е старателка и верна придружничка на Окја – мега-свиња креиранa со помош на генетска модификација, коja веќе 10 години расте и живее во планинскиот дом во Јужна Кореја со семејството на Мија. Но, сè се менува кога мултинационалниот конгломерат Мирандо Кооперација ја зема Окја и ја транспортира во Њујорк, каде извршниот директор кој е опседнат со имиџ и самопромоција има други планови за судбината на Окја. Без посебен план, но без никаков сомнеж, Мија тргнува далеку од дома во лицемерниот и опасен свет во храбра спасувачка мисија против месната индустрија.

Окја е сатиричен и (на моменти) хаотичен филм, кој освен што е забавен за гледање, праќа силна порака против корпоративната алчност и злоупотребата на животните и природата.

П.С. На саунтракот на филмот се наоѓа и музика од дувачкиот оркестар од Македонија – „Џамбо Агушеви оркесторот“.