Само љубовниците остануваат живи (Only Lovers Left Alive)
Необична вампирска приказна, чија носечка идеја е (парадоксот на) љубовта како противотров на егзистенцијалистичкиот ангст, стравот од загубата, отуѓеноста и уништувањето

Режија: Џим Џармуш

Улоги: Тилда Свинтон, Том Хидлстон, Мија Вашиковска

Времетаење: 122’

Земја: САД

Жанр: Драма, Романса, Фантазија

Во Детроит во 2012 година, вампирот музичар Адам (Хидлстон) страда од недостаток од инспирација и полека тоне во депресија. Неговата емотивна состојба ја носи љубовта на неговиот живот, вампирката Ева (Свинтон) кај него од Танжир, каде живее таа. Со векови стари, парот е сè уште длабоко вљубен иако живее одвоено. По нивното повторно обединување и заедничката потрага по стимул и спокој во меѓусебната релација, но и нивната споделена фасцинација со уметноста и науката, нивната идила е грубо прекината, со пристигнувањето на Ава (Вашиковска), дивата помлада сестра на Ева, која е предвесник на хаосот и апокалипсата.

„Само љубовниците остануваат живи“ го има препознатливиот хипстерски дух на Џармуш, пресликан во меланхоличните слики од сокаците на Детроит и Танжир, прашливите книги и инструменти, цветните јоргани и килими, свилените наметки на љубовниците и романтичниот саундрак. Оваа необична вампирска приказна, чија носечка идеја е (парадоксот на) љубовта како противотров на егзистенцијалистичкиот ангст, стравот од загубата, отуѓеноста и уништувањето, дефинитивно ќе ве освои со својата естетика, неочекуван хумор и целокупното носење на приказната од страна на главните ликови. И додека нивната (поголема-од-животот) љубов на моменти се чини себична и премногу самодоволна (како и нивните елитистички муабети и фиксации), хемијата меѓу Адам и Ева е толку уверлива, што едноставно не можеме а да не ги сакаме, зашто во сонливиот свет, во кој освен бавниот распад, не се случува нешто особено, ни делува како тие навистина да се единствените живи љубовници.

 

 

НАПИШАНО ОД:
Јас сум љубов ( I am love )
Ема ја напуштила Русија за да живее со сопругот во Милано, Италија, од каде тој потекнува. Сега, дел од моќно индустриско семејство, таа е почитувана мајка на три деца, но се чувствува неисполнето.
Венено (Veneno)
Венено ги следи сеќавањата на Кристина од нејзиното детство, траумата која ја претрпела, како научила да се справува со неа, и како ја креирала персоната која ѝ помага да преживее.
Базен (La Piscine)
Навидум среќен пар живее во позајмена вила во близина на Сен Тропе. Идилата завршува кога нивниот заеднички пријател ќе се појави со својата прекрасна 18-год ќерка.
Тоа е грев (It’s a Sin)
Серија која нуди еден многу потребен, трогателен и болен поглед на раната борба со ХИВ вирусот во Велика Британија, недостатокот на информации и терапија, како и стравот од неизбежната судбина.
Небремена (Unpregnant)
Филмов е одличен избор ако coming of age жанрот ви е слабост, а според мене на одличен начин ја прикажува голготата низ која треба да помине една девојка за да добие абортус.
Laurence Anyways
Оваа динамична мелодрама циркулира околу релациите, родот и љубовта со непопустлива преданост кон транзицијата и страдањето на главните ликови.
Квин & Слим (Queen & Slim)
Квин и Слим е приказна за пријателството, солидарноста, неправдата и преживувањето, теми кои се одмотуваат додека во позадина вртат сонливи пејзажи и саундтрак кој е еднакво добар колку и филмот.
Клубот на првите жени (1996)
Тоа што започнува како класичен одмазднички филм, се претвора во приказна за наоѓање сила и енергија за новите почетоци. Баш поради ова „Клубот на првите жени“ е guilty pleasure коe дефинитивно може да си го дозволиме во јануари.
Орландо (Orlando)
Базиран на истоимениот роман на Вирџинија Вулф (посветен на нејзината љубовница Вита Вест Секвил), филмот ја тематизира перформативната улога на родот, неговата театралност, апсурдност и арбитрарност
Париз гори (Paris is burning)
Eсенцијална филмска лектира која зборува за солидарноста, заедништвото и уметноста, кои ги одржуваат квир заедниците и сè уште претставува еден од најавтентичните прикази на дрег културата. 

Момент...

No more pages to load

1 2