Сан Омер (Saint Omer)
Писателката Рама го следи рочиштето на Коли која е обвинета за убиство на својата ќерка под мистериозни околности.

Режија: Alice Diop

Улоги: Kayije Kagame, Guslagie Malanda

Времетраење: 122’

Земја: Франција 

Жанр: драма

Рама е успешна писателка и академска професорка која за потребите на својата нова книга присуствува на рочиштето на Лоранс Коли, млада жена обвинета за убиство на својата 15-месечна ќерка под мистериозни и наводно „натприродни” околности.

Оваа филмска драма е всушност базирана на вистински судски случај на сенегалската имигрантка Fabienne Kabou од 2016 кој го посведочила режисерката Алис Диоп.

Слушајќи ги сведочењата и раскажувањето на Коли, Рама почнува да се поистоветува со обвинетата. Како Рама, и таа има сенегалско потекло; како Рама, и таа е добро образована и елоквентна; како Рама, и таа е отуѓена од мајка си; како Рама, и таа има (или имала) бел партнер. На гледачите не им треба многу време да сфатат дека како Коли пред неа, Рама исто така е на пат да стане мајка. 

Рама почнува толку силно да се идентификува со Коли, бидејќи нејзиното психичко соучество го храни стравот кој го има од потенцијалното мајчинство – заедно со сите предизвици и очекувања кои ги влече со себе таа улога. Додека слуша во судницата, Рама е принудена одново да ја преживее потиснатата траума за своето несреќно детство и негрижата и незаинтересираноста на мајка ѝ. Субјективната перспектива на Рама го движи филмот и се чини дека ја има предноста пред судската разрешница.

 

НАПИШАНО ОД:
Небремена (Unpregnant)
Филмов е одличен избор ако coming of age жанрот ви е слабост, а според мене на одличен начин ја прикажува голготата низ која треба да помине една девојка за да добие абортус.
Бубалици (Booksmart)
Две најдобри другарки, кои целото средно школо го посветиле на учење и подготовки за универзитет, сфаќаат дека можеби испуштиле други значајни искуства за разлика од своите врсници.
Малколм & Мари (Malcolm & Marie)
Клаустрофобична (анти) љубовна приказна, која ги отвора прашањата на дискрепанците на моќта, расата, неплатениот труд, автентичноста во уметноста и традиционалната улога на жената како муза.
Таа кажа (She Said)
Преку истражувачката работа на протагонистките и нивната комуникација со повеќебројни жртви на Харви, станува јасно колку е тешко да се скрши тишината поврзана со сексуалното вознемирување и насилство.
Париз гори (Paris is burning)
Eсенцијална филмска лектира која зборува за солидарноста, заедништвото и уметноста, кои ги одржуваат квир заедниците и сè уште претставува еден од најавтентичните прикази на дрег културата. 
Тоа е грев (It’s a Sin)
Серија која нуди еден многу потребен, трогателен и болен поглед на раната борба со ХИВ вирусот во Велика Британија, недостатокот на информации и терапија, како и стравот од неизбежната судбина.
American honey
Филмот маестрално успева да го прикаже очајот на бидување сиромашен млад човек во заборавените ќошиња на Америка, на одисеја кон никаде, без да ги сензационализира и сожалува ликовите или морализира нивните избори.
Последици (The Fallout)
Филм кој го слави пријателството, неговата исцелителна моќ и потенцијал да ни помогне да го цениме и уживаме животот, дури и кога ни се чини дека немаме причини за живот. 

Момент...

No more pages to load

1 2 3