Шива бејби (Shiva Baby)
Даниел оди на нечија Шива со родителите каде ги сретнува нејзиниот „sugar daddy“ и нејзината поранешна девојка.

Режија: Emma Seligman

Улоги: Rachel Sennott, Danny Deferrari, Molly Gordon

Времетраење: 77’

Земја: САД

Жанр: романса, комедија, автофикција

„Шива бејби“ е храбар инди филм и брилијантна комедија на режисерката Ема Селигман кој отскокнува од традиционалните coming-of-age наративи. Протагонистката Даниел, дваесет и нешто годишна студентка, повремено работи како сексуална работничка (sugar baby) за да заработи екстра кеш.

Филмот ја следи додека таа оди на нечија Шива – ден на жалост во еврејската традиција, налик погреб – со нејзините родители и неочекувано ги сретнува нејзиниот „sugar daddy“ и нејзината поранешна девојка помеѓу толпата семејни пријатели.

Даниел ги вовлекува гледачите во нејзината „комедија на грешки“ до таа мера што и тие почнуваат да ги чувствуваат паничните напади и да се препотуваат со неа. Самодеструктивната и цинична нишка, јасната самокритичност и општествената освестеност го прават овој лик толку забавен и лесен за поистоветување. 

НАПИШАНО ОД:
Laurence Anyways
Оваа динамична мелодрама циркулира околу релациите, родот и љубовта со непопустлива преданост кон транзицијата и страдањето на главните ликови.
Мустанг (Mustang)
Филмот го прикажува животот на пет млади сестри кои живеат со своите баба и дедо во едно сегрегирано турско селце низ секојдневните предизвици, проблеми и правила кои ја диригираат нивната младост.
Тоа е грев (It’s a Sin)
Серија која нуди еден многу потребен, трогателен и болен поглед на раната борба со ХИВ вирусот во Велика Британија, недостатокот на информации и терапија, како и стравот од неизбежната судбина.
Орландо (Orlando)
Базиран на истоимениот роман на Вирџинија Вулф (посветен на нејзината љубовница Вита Вест Секвил), филмот ја тематизира перформативната улога на родот, неговата театралност, апсурдност и арбитрарност
Малколм & Мари (Malcolm & Marie)
Клаустрофобична (анти) љубовна приказна, која ги отвора прашањата на дискрепанците на моќта, расата, неплатениот труд, автентичноста во уметноста и традиционалната улога на жената како муза.
Небремена (Unpregnant)
Филмов е одличен избор ако coming of age жанрот ви е слабост, а според мене на одличен начин ја прикажува голготата низ која треба да помине една девојка за да добие абортус.
Квин & Слим (Queen & Slim)
Квин и Слим е приказна за пријателството, солидарноста, неправдата и преживувањето, теми кои се одмотуваат додека во позадина вртат сонливи пејзажи и саундтрак кој е еднакво добар колку и филмот.
Бубалици (Booksmart)
Две најдобри другарки, кои целото средно школо го посветиле на учење и подготовки за универзитет, сфаќаат дека можеби испуштиле други значајни искуства за разлика од своите врсници.
Венено (Veneno)
Венено ги следи сеќавањата на Кристина од нејзиното детство, траумата која ја претрпела, како научила да се справува со неа, и како ја креирала персоната која ѝ помага да преживее.
Париз гори (Paris is burning)
Eсенцијална филмска лектира која зборува за солидарноста, заедништвото и уметноста, кои ги одржуваат квир заедниците и сè уште претставува еден од најавтентичните прикази на дрег културата. 

Момент...

No more pages to load

1 2