препорачува: Павла Бањац, преведувачка, филмска критичарка и новинарка во Филмоскопија, Србија 

Наслов: Lepota poroka 

Режија: Живко Николиќ

Играат: Мира Фурлан, Милутин „Мима“ Караџиќ, Петар Божовиќ Mira 

Земја: Југославија 

Времетраење: 105′

Жанр: драма, романса, комедија 

„Убавината на порокот“ е шокантно слободоумен филм, имајќи предвид дека е снимен во строго цензурираната Југославија, истражувајќи и поставувајќи ги традиционалните вредности (брак, патријархалност, верност) наспроти модерните (полиморија и голотија), кои се сметаат за контроверзни теми дури и денес. Николиќ не само што е провокативен и контроверзен во смисла на сценариото, туку и визуелно, гордо покажувајќи и не бегајќи од голите тела, и машки и женски, речиси постојано, и тоа го прави на речиси романтичен и сонлив начин.

Приказната ги следи убавата млада сопруга Јаглика (Мира Фурлан) и нејзиниот сопруг Лука (Милутин „Мима“ Караџиќ), неодамна венчана двојка која живее во руралните планински предели во Црна Гора, кои се борат со стоичките правила на општеството во кое живеат — единствените правила што ги знаат. Неочекуваното патување до црногорското море ги раздвижува работите – парот кој единствено можеше да има секс кога Лука ќе ѝ покриеше главата на Јаглика со крпа, сега е принуден да се соочи со нудистички камп, заедно со сите откритија, несигурности и дилеми што ги носи кампот. Некогаш потполно послушната сопруга Јаглика сега ја доведува во прашање сопствената сексуалност, бидејќи не само што наводно беше дел, туку и уживаше во тројка. Како нејзиниот строг и традиционален сопруг ќе реагира на тоа, знаејќи дека нивната традиција има очигледен одговор на неверството – убиство?

Целиот филм е достапен на линкот.