Тивкиот свет
ЏЕФРИ МЕКДЕНИЕЛ
Обидувајќи се да ги натера луѓето
повеќе да се гледаат во очи
и да им удоволи на немите,
Владата одлучи
да му додели на секој човек точно
сто шеесет и седум зборови дневно.
Кога ѕвони телефонот, го доближувам до увото
без да кажам „ало“. Во ресторанот
покажувам накај пилешката супа.
Добро се прилагодувам на новите мерки.
Доцна навечер, ѝ се јавувам на мојата
девојка на далечина,
да ѝ кажам гордо дека искористив само педесет и девет денес.
Ги зачував останатите за тебе.
Кога немам одговор од неа,
знам дека ги искористила сите зборови,
па споро шепотам „Те сакам“
триесет и два пати и половина
После тоа, само остануваме на линија
и слушаме како дишеме.
НАПИШАНО ОД:
Тимот на Медуза
Apr 16, 2022