Збор

Пегинг

Пегинг е сексуален чин кога жената со помош на сексуални играчки (најчесто стреп-он дилдо) анално пенетрира во партнерот. Пегинг најчесто се користи во хетересексуална смисла, но секако, не е пракса резервирана само за хетеросексуални двојки. Секс експертите велат дека експериментирањето со пегинг станува сè почеста пракса, најмногу бидејќи дозволува ротацијата на традиционалните родови динамики во сексот. Дополнително, преку пегинг се врши стимулација на простатата – ерогена точка кај повеќето мажи, која ретко добива на внимание.

Менструална сиромаштија

Недостапност на средства за менструална хигиена, тоалети со несоодветни услови за одржување на менструална хигиена на работно место или во образовна институција, недостаток на информации и едукација за менструалниот циклус, како и недостаток на политики за неоданочување на средствата за хигиена и политики за боледување за време на менструација.

BlackLivesMatter

Black Lives Matter е движење за човекови права против системскиот расизам, полициската бруталност, убиствата од страна на полицијата, но и против расно профилирање и нееднаквост во системот на кривична правда. Конечната цел е искоренување на белата надмоќ преку градење на локална јадра на моќ за интервенција и искоренување на системската дискриминација, насилството и опресијата на црните заедници. Без разлика каде во светот се наоѓате, можете активно да допринесете во борбата против расизмот и полициската бруталност.

Самоизолација

Самоизолацијата претставува доброволно одвојување од општествената средина, која иако може да биде многу напорна и стресна за поединецот, го забавува ширењето на вирусот, а со тоа диретно им помага на најранливите групи на нашата заедница. Како социјални битија, тешка ни е помислата дека единствениот начин да си помогнеме е буквално да бидеме далеку едни од други, но ако ништо друго, овој период на изолација, ранливост и кревкост има потенцијал повеќе да нè зближи како заедница, која е очигледно онолку силна колку својата најслаба алка.

 

 

Двојна виктимизација

Вклучува стигматизација, етикетирање, барање на вина кај жртвата и/или повторување на настанот пред различни инстанци (места/луѓе/институции), со што жртвата се изложува на дополнителен срам и обесхрабрување да води било каква постапка против виновникот. Долгорочно, двојната виктимизација води кон култура на непријавување, недоверба во системот од страна на жртвите и го охрабрува насилничкото однесување.

Case study: Јавна соба 

Пчеларка

Не сме изненадени, но сепак, еуфорични и горди со вестите на денот: Медена земја со две номинации за Оскар во категориите најдобар документарец и најдобар странски филм. Популарноста не само на филмот, туку на самиот лик и дело на Атиџе, укажува кон фактот дека особено денес, во време кога природниот баланс е покревок од било кога, а цивилизацискиот прогрес станува дискутабилна категорија, потребни ни се вакви хероини, кои ни покажуваат колку е важна грижата за природата и за блиските.

Пола за мене, пола за нив – се надеваме дека глобалниот успех на овој филм ќе успее и да ја прошири главната порака на последната дива пчеларка во Европа. Честитки до целиот тим на Медената земја!

Климатска правда

Неконтролираниот мачо-капитализам ја доведе планетата на раб на пропаст, а иднината на новите генерации под знак прашалник! Медуза потполно го поддржува бојкотот на настава на средношколците кои соочени со ваква реалност, се борат за климатската правда која ја заслужуваат. Постојат директни врски помеѓу родовата еднаквост и климатските промени. Климатската криза најсилно ги погодува најсиромашните, а особено жените, кои најчесто се соочуваат со повисоки ризици и поголеми оптоварувања од влијанието на климатските промени. Време е за климатска правда за сите нас и одговорност од надлежните институации!

 

 

 

 

 

Повеќе информации на следниот линк

16 дена активизам

„Every time a woman speaks up about her experience of sexual violence and she’s not believed, rape culture flourishes.“

Денес го одбележуваме почетокот на кампањата 16 дена активизам против родово базирано насилство. Оваа годината, фокусот на кампањата е сексуалното вонемирување, насилството и силувањето, под слоганот „Generation equality stands against rape!”.

Секој пат кога сексуалното насилство останува неказнето или се тривијализира, се создава култура на нормализација на ова однесување – “rape culture”, кое вклучува ревиктимизација и/или обвинување на жртвите, потценување на сведоштвата на девојките и жените, непријавување и перпетуирање на сексуално насилство.

Затоа, кога ќе чуете сведоштво од жртва на сексуално насилство:

  1. Слушајте.
  2. Верувајте.
  3. Поддржете

Unequal Pay Day

На 4 ноември се одбележа Европскиот ден на нееднакви плати Unequal pay day, со цел симболично да се посочи кон родовиот јаз во платите кој сеуште постои во Европа.

Од 4 ноември, па до крајот на годината, жените во Европа практично работат бесплатно, со оглед на тоа што во просек заработуваат 16% помалку од своите колеги. Со цел да го акцентираат овој проблем жените од движењето ‘zij-kant’ и PES Women прават кампања „надвор од канцеларија“. „Секоја вработена жена може да подеси автоматска порака на својот мејл со содржина дека таа нема да биде достапна до крајот на годината. Итни прашања можат да бидат проследени до колегите, со оглед на тоа што тие се уште платени.„-вели Вера Клис од движењето zij-kant.

Медикаментозен абортус

Медикаментозниот абортус претставува неинвазивен метод за прекин на бременоста со користење лекови, во зависност од гестациската старост на бременоста и се извршува исклучиво во консултација со медицинско лице во рана бременост. Медикаментозниот абортус е право на здравствена заштита, а неостварувањето на ова право значи недоволна грижа на здравствениот систем за унапредување на здравјето на жените. Во нашата земја медикаментозниот абортус сѐ уште не е достапен.

 

 

 

 

 

 

Повеќе информации: 28 септември: „Медикаментозниот абортус е право на здравствена заштита“

Scroll to Top