Повик за учеснички на првата Школа за феминистичко пишување и критика: Фем 101
Се залагаш за родова еднаквост, но не си запознаена со историјата на женското движење? Феминистка си и сакаш да научиш повеќе за феминистички теории и политики? Имаш желба за споделување на своите приказни и искуства, но не си сигурна во своето пишување?

Пријави се на Школата за феминистичко пишување и критика организирана од Медуза и збогати ги своите знаења и вештини во областа на феминизмот и пишувањето во безбедна атмосфера која мотивира и инспирира ♥

Школата има за цел да ги подготви учесничките и учесниците за информирано пишување и успешно користење на социјалните медиуми и други дигитални алатки за пласирање содржини во областа на феминизмот и женските права. Школата е составена од 10 обуки, распределени низ 5 месеци, односно по 2 обуки месечно, почнувајќи од 16 ноември 2019 година. Обуките ќе се одвиваат во сабота и ќе траат 4 часа, а помеѓу групата ќе биде во комуникација преку вежби и практични задачи.

Сексизмот, мизогиниот говор и родово базираниот говор на омраза поврзани со стереотипни очекувања, ставови и однесувања, се широко присутни на интернет просторот. Дополнително, постои очигледен недостаток на феминистички дискурс онлајн и простор за жени и девојки да се изразат и влијаат на истиот. Дигиталните алатки можат да ги зајакнат девојките и жените во борбата против стереотипите, себе изразувањето, прифаќањето и здружувањето и преку дигитално раскажување, споделување на искуства и аргументирано пишување да поттикнат општествена промена.

Програмата е поделена на две целини: теоретски – со фокус на основните феминистички теории, историјата на женското движење и клучни концепти кај родовите науки и практичен дел – со фокус на техники и методи за пишување и развој на дигитални вештини за пласирање содржини на социјалните медиуми.

Обуките ќе ги водат теоретичарки, професорки, феминистки со стручно познавање на темите и обемно искуство во полињата во фокус на школата. За времетрањето на школата, учесничките /ците ќе имаат можност за практична работа, соработка со авторките на Медуза, како и вклучување во тимот на Медуза преку креација и објавување на содржини и по завршување на школата. Програмата е наменета за девојки и жени, како и за сексуални и родови малцинства.

За да учествувате треба:

♥да имате од 16 до 30 години
♥ да ве интересира феминизам и родова еднаквост
♥да имате мотивација да пишувате текстови во областа на феминизмот, иако претходно искуство не е неопходно
♥да бидете во можност да ги посетувате сите обуки

Рокот за пријавување трае до 1 ноември 2019 година. Пратете ја вашата кратка биографија и писмо со мотивација за учество на школата на info@meduza.mk со назнака „Апликација за Фем 101“. Доколку имате дополнителни прашања, пишете ни на истиот мејл или на Фејсбук страната на Медуза. 

Школата за феминистичко пишување и критика: Фем 101 е дел од проектот за Елиминација на родовата нееднаквост преку институционални и дигитални интервенции, поддржан од фондацијата Kvinna till Kvinna, а реалициран од страна на Хелсиншкиот комитет за човекови права и феминистичката платформа Медуза.

Дизајн на постер: Софија Христова

НАПИШАНО ОД:
Солидарноста е клучна за професионалниот развој: Интервју со тимот на Стела – првата женска менторска мрежа во Македонија
Женската менторска мрежа на Стела не е само група жени кои се таму за да обезбедат професионална поддршка за образование и кариера, туку и мрежа за поддршка за надминување на секојдневните општествени и приватни пречки и притисоци со кои се соочуваат жените во Македонија.
И транс жените се жени: Интервју со Лила Милиќ
За чекорите кои допрва треба да се преземат за достоинствен живот на трансродовите личности, за Законот за правно признавање на родот, за личните успеси како транс жена и земањето дел во бројни културни настани во изминатиот период, разговараме со Лила Милиќ. 
Ментален товар
Менталниот товар е продукт на вообичаеното организирање на едно просечно домаќинство во кое еден од партнерите, обично жената, има улога на „микро-менаџер“.
  • Од Мартина Стојковска
За „природата“ на еден политички спор: хетеронормативност, трансродовост и загрозување на правата на жените (Прв дел)
Постојат цел океан на прашања поврзани со родовата трансформација и огромните глобални социјални промени во кои учествуваме и сме сведоци. Каде води сето ова?
The M word: или зошто цензурирањето на менструацијата претставува микро сексизам?
Ако воопшто не сакаме да зборуваме за менструацијата од медицински аспект, тогаш како би очекувале овој проблем да се сфати сериозно и како би формирале политики и протоколи за земање боледување за менструални болки ако нашите шефови сметаат дека медицинските факти за нашата болка се премногу „приватни“ за споделување?
Престанете да го користите феминизмот за да ги продадете вашите производи
Значи - брендови, ако користите феминизам за продажба на вашите производи, еве го мојот совет: надминете ги овие еманципирачки реклами и всушност направете нешто што навистина би помогнало.
  • Од Гала Насева
Стварно ли ни требаат машки херои во женска верзија?
Зошто да не правиме нови наративи со сосема нова динамика и заплет, какви до сега не сме виделе? Зошто да не почнеме да си ги градиме визиите за нов подобар свет без атачмент кон стариот?
  • Од Билјана Кочоска Танеска
Они би ги „контролирале младите“, ние би ги воспитале девојчињата да знаат дека можат да блујат оган
Кај нас редовно се појавувават луѓе кои не покажуваат храбост отворено да застанат зад жртвите на криминал, па својата недоволна информираност и конзервативност ја камуфлираат зад жалопојките поради губењето на семејните вредности.
Системот (не) функционира: Зошто Македонките повеќе се охрабруваат да пријават семејно насилство откако ќе се преселат во странство?
Родово базираното насилство го поткопува здравјето, достоинството, безбедноста и автономијата на своите жртви, но сепак останува обвиткано во култура на тишина.

Момент...

No more pages to load

1 2 … 15